1. Ra mbiʼi na zɇzhi ne xoñijomꞹ

“Ra mbiʼi na zɇzhi ne Xoñijomꞹ.” (LUCAS 21:11)

● Ma o mbiʼi me na zɇzhi a Haití, kʼo mi unꞹji noticia kja televisión go dyⱥrⱥji kʼꞹ mi bʼꞹbʼꞹ na kʼꞹ mi guɇɇ. Mi nge e Winnie, kja mi tsʼixutrʼi dya bʼe mi sotꞹ ye kjɇɇ, go ngꞹbꞹji kja kʼo nzhꞹngumꞹ kʼꞹ bi ndogꞹji. Angeze go mimitrjo pe yo in tata go nrru̱bi.

¿PJE NGE KʼO YA BO KJOGꞸ? Ma me go mbiʼi a Haití nu zana enero nu kjɇɇ 2010, ix go zⱥdʼⱥ 300.000 ntee kʼo bo nrru̱ji ñe 1.300.000 go bʼɇzhiji o ngumꞹji. Kʼo bo kjogꞹnu me na sʼoo pe xo go mbiʼi kja yo dyaja jñiñi. Ndizi ne zana abril 2009 a ne zana abril 2010 ix go kjogꞹ dieciocho trʼañijꞹmꞹ.

KʼO MANJI YO NTEE Dya ga kjuana ke mazi mbidya ke mi jingua. Nu kʼo kjogꞹ, nge ke ko ne tecnología a ri pa̱ra̱ji yo na kjogꞹ kja texe ne Xoñijomꞹ.

¿NA KJUANA KʼO MAMA YO NTEE? Ne Biblia dya mama janzi vez ro mbiʼi ne Xoñijomꞹ kja yo paa yo ni nguarꞹ. Mama ke ro ”mbiʼi na zɇzhi” kja na punkjꞹ jñiñi, ngekʼua ri unꞹji nguenrra ke ri bʼꞹnji yo paa yo ni nguarꞹ (Marcos 13:8; Lucas 21:11).

¿PJE I MANGE? ¿Kjo na kjuana kʼo mama ne Biblia ke ro mbiʼi na zɇzhi ne Xoñijomꞹ?

Ke na mbiʼi ne Xoñijomꞹ bʼꞹma dya kjakꞹji ra mbeñeji ke ri ka̱ra̱ji kja yo paa yo ni nguarꞹ , pe ja̱a̱ na cumple na profecía kʼꞹ nⱥdʼⱥ ne Biblia. Xi ra nuji kʼꞹ dʼaja profecía.

[Jñaa]

“[Yo ri geofísicojme] ri xikʼojme trʼañijꞹmꞹ. Yo ntee nuji ngextjo yo me na sʼoo ma kjogꞹ ñijꞹmꞹ.” (KEN HUDNUT, SERVICIO GEOLÓGICO DE ESTADOS UNIDOS).

[Kʼo o tsjaji]

© William Daniels/Panos Pictures