1. Ukuzamazama Komhlaba

“Kuzakuba lokuzamazama komhlaba okwesabekayo.”—ULUKHA 21:11.

● Umntwana olezinyanga ezingu-16 okuthiwa nguWinnie wakhitshwa enqumbini yesakhiwo esasidilikile eHaiti. Intathelizindaba ezabika ngomonakalo lo zithi zezwa okulilizwi komntwana omcane ekhala. UWinnie wasila ngesikhathi kusiba lokuzamazama komhlaba lokhu kodwa abazali bakhe bafa.

UBUFAKAZI BUTSHENGISANI? NgoJanuary 2010 kwaba lokuzamazama komhlaba okukhulu eHaiti okwabulala abantu abedlula 300 000. Abantu abangu-1,3 miliyoni basala bengelandawo zokuhlala. Ukuzamazama komhlaba okukhulu kangaka akwenzakalanga eHaiti kuphela. Kusukela ngo-April 2009 kusiya ku-April 2010, kube lokuzamazama komhlaba okukhulu okungaba ngu-18 endaweni ezitshiyeneyo.

OKUJAYELE UKUKHULUNYWA NGABANGAVUMELANI LESIPHROFETHO LESI. Okwenza kukhanye angathi ukuzamazama komhlaba sekukunengi kulakudala yikuthi abantu sebelemitshina ebatshela kungakenzakali.

ABAKUTSHOYO KULIQINISO YINI? IBhayibhili kalitsho ukuthi ukuzamazama komhlaba kuzakwenzakala kangaki ezinsukwini zokucina. Kodwa liyatsho ukuthi kuzakuba “lokuzamazama komhlaba okwesabekayo” “ezindaweni ezehlukeneyo.” Lokhu ngokunye okutshengisa ukuthi siphila ezinsukwini zokucina.—UMakho 13:8; ULukha 21:11.

UCABANGANI? Uyakubona yini ukuzamazama komhlaba okwesabekayo iBhayibhili elathi kuzakwenzakala?

Isiphrofetho esimayelana lokuzamazama komhlaba ayisiso sodwa esitshengisa ukuthi siphila ensukwini zokucina. Khathesi ake sikhangele isiphrofetho sesibili.

 [Umfanekiso osekhasini 4]

“Thina [ama-geophysicists] sithi yikuzamazama komhlaba okwesabekayo kodwa abanye [uzulu wonke] bathi yisehlakalo esesabekayo esiqeda amandla.”—KEN HUDNUT, U.S. GEOLOGICAL SURVEY

[Picture Credit Line on page 4]

© William Daniels/Panos Pictures