Prophecy 1. Earthquakes

“Di eaht zayld shidla.”​—LUKAS 21:11.

● Di Winnie, es bissel ivvah en yoah ald voah, is ksayft vadda nohch en earthquake in Haiti. En TV crew es datt voah hott see keaht brilla. Iahra eldra sinn doht gmacht vadda, avvah see is nett.

VASS FA PROOF HENN MA? Vann en magnitude 7.0 earthquake Haiti gedroffa hott in January 2010, sinn’s may es 300,000 leit doht gmacht vadda. Un’s voahra aw 1.3 million leit unni en haymet. Sell voah en shlimmah earthquake, avvah’s voah nett da aynsisht. Es voahra at least 18 grohsi earthquakes es kaebbend henn zvishich April 2009 un April 2010.

VASS DOON LEIT OFT SAWWA? Miah henn noch immah earthquakes katt, avvah koss funn modern technology finna ma nau aus vann si aekshli haebna.

IS SELL VOAH? Denk moll veyyich dess: Di Bivvel sawkt nett vi feel earthquakes es haebna zayla in di letshti dawwa. Avvah es dutt sawwa es grohsi earthquakes ‘zayla di eaht shidla do un datt in feel bletz.’​—Markus 13:8; Lukas 21:11. Dess is en sign es’s kliah macht es miah in di letshti dawwa sinn.

VASS DAYTSHT DU SAWWA? Sayna miah earthquakes yusht vi di Bivvel ksawt hott?

Earthquakes mechta nett genunk sei fa proova es miah in di letshti dawwa layva. Avvah, sell is yusht ay prophecy es am folfild vadda is. Denk moll an noch aynah.

[Blurb]

“Miah [scientists] haysa si great earthquakes. Alli-ebbah shunsht hayst si horrible.”​—KEN HUDNUT, U.S. GEOLOGICAL SURVEY.

[Credit Line fa’s Piktah]

© William Daniels/​Panos Pictures