1. Ieedbäben

“Doa woat opp veschiedne Städen grootet Ieedbäben . . . sennen” (LUKAS 21:11, PB).

● Winnie, waut noch mau 16 Moonat wia, wort ut een gaunz vekjeiweldet Hus rutjeholt. Waut Norechta vom Tellewizhen haben dee jehieet hielen. Dee äwaläwd daut Ieedbäben, oba äare Elren deeden nich.

WAUT TO BEOOBACHTEN ES: Aus en Haiti em Jaunewoa 2010 een 7,0 stoakjet Ieedbäben wia, storwen äwa 300 000 Menschen. 1,3 Millionen Menschen veluaren äa Tus. Daut Ieedbäben en Haiti wia een besonda grootet, oba lang nich daut eensje. Tweschen Aprell 2009 un Aprell 2010 jeef daut oppe gaunze Welt oppet weinichste 18 Mol een grootet Ieedbäben.

WAUT EENJE SAJEN: Vondoag dän Dach jeft daut nich mea Ieedbäbens aus ea. Derch daut niemootsche Jereetschoft woa wie daut bloos dolla en aus de Menschen ieeschtemma.

ES DAUT SOO, AUS DEE SAJEN? Rajcht jesajcht sajcht de Schreft nich, daut et enne latste Doag mea Ieedbäben jäwen wudd; dee sajcht, daut et opp veschiedne Städen groote Ieedbäben jäwen wudd. Dise Ieedbäben sent een Tieekjen doafäa, daut wie nu en eene besondre Tiet läwen (Markus 13:8; Lukas 21:11).

WAUT JLEEFST DU? Jeft daut vondoag dän Dach groote Ieedbäben, soo aus de Schreft daut verutsäd?

Bloos Ieedbäben auleen sent veleicht nich jenuach Bewies, daut wie en de latste Doag läwen. Oba daut es je uk noch mau eene Profezeiunk, waut sikj erfelt. De näakjsta Artikjel haundelt sikj von noch eene.

[Takjst]

“Wie [Forscha] nanen dit groote Ieedbäben, oba aule aundre Menschen nanen dit schrakjelje Ieedbäben” (KEN HUDNUT, U.S. GEOLOGICAL SURVEY)

[Bilt Biltnowies]

William Daniels/Panos Pictures