1. Taqeh kow laj yihk
1. Taqeh kow laj yihk
«Eh naa ruwihiik taqe i kowlaj yihk» (LUCAS 21:11)
● Reʼ taqeh ajnoticia kiʼikʼik pan tele reʼ xiqʼorik chi riij xkʼuljik Haití inkibʼiraj naq taqeh oqʼik inchalik riʼsil taqeh paat qʼehbʼinaq. Noq xooj kil xkireq i Winnie jenaj tʼuch xqʼun haabʼ i waqiibʼ poh wilik reh, reʼ taqeh rajaaw xikimik pan kow laj yihk on hihk.
¿CHAJARIK INKʼUTINIK RUUKʼ XKʼULJIK? Reʼ kow laj yihk xwihʼik Haití pan enero reh 2010, xikimik ixibʼ ciento mil chi kʼachareel eh jenaj millón ruukʼ ixibʼ ciento mil xikahnik chi maʼxta kipaat xa ruukʼ junkʼaam. Atoobʼ ta kʼih kʼaxkilaal xukanaaʼ i yihk reʼreʼ maʼ xa ta reʼreʼ xkʼuljik junsut i naah akʼal. Chupaam i poh abril reh 2009 eh abril reh 2010 xwihʼik dieciocho nimaq taq yihk.
REʼ INKIQʼOR I JUʼJUN. Yuʼnaak maʼ qʼeʼ ta kow taqeh yihk inkʼuljik jeʼ rukabʼ najtir. Ruum chi reʼ taqeh chʼichʼ inkikorsaj reh taqeh yihk inkiqʼor qeh chajarik inkʼuljik.
¿MI KORIK INKIQʼOR? Kʼoloq pan qakʼux chi reʼ Santo Laj Huuj maʼ inqʼorik ta chi riij nikʼ kʼihaal taqeh kow laj yihk narukʼuljik pan tzʼapaabʼ wach ree qʼiij. Iruqʼor laʼ chi «naa ruwihiik taqe i kowlaj yihk» pan reh reh wach yeʼaabʼ, eh ruum ajreʼ pan taqeh qʼiij wilih naqilom naq taqeh reʼ (Marcos 13:8; Lucas 21:11).
¿CHAJARIK INAQʼOR I HAT? ¿Kʼahchiʼ woʼ na rukʼuljik taqeh yihk jeʼ rukabʼ xuqʼor i Santo Laj Huuj?
Xa reʼ laʼ chi rutkeel i yihk mareh maʼ ne ta irukʼuhtaaj chi wilkooj pan tzʼapaabʼ wach ree qʼiij; xa reʼ laʼ irukʼuhtaaj chi kʼahchiʼ rojik eloq wach i qʼorooj cho rubʼiral. Qil jenoʼ chik.
[Re’ taqeh q’orik koruman]
«[Reʼ inkitzʼir riij i akʼal] inqaqʼor keh kow laj yihk. Xa reʼ laʼ reʼ taqeh kʼachareel inkiqʼor chi reʼ xkʼuljik maʼ holohik ta». (KEN HUDNUT, REʼ INKITZʼIR RIIJ I AKʼAL REH ESTADOS UNIDOS)
[Ehtalil re’ taqeh xi’esanik cho reh]
©William Daniels/Panos Pictures