1. Jallpʼa ikhakuykuna

“Kallanqataj sinchʼi jallpʼa ikhakuykuna.” (LUCAS 21:11)

● Haitipi, periodistas jallpʼa ikhakusqanta telepi rikuchinankupaq llamkʼachkaptinku, thuñisqa wasimanta wawitap waqayninta uyarisqanku, sutinqa Winnie kasqa, wata kuraqniyuqtaq. Payllata kawsachkaqta urqhumusqanku, tatasnintaq chaypi wañupusqanku.

¿IMATAQ YACHAKUN? Haitipi 2010 enero killapi sinchita jallpʼa ikhakusqanrayku 300.000 runasmanta astawan wañurqanku chantá juk ratollapi 1.300.000 mana wasiyuq qhipakurqanku. May llakiy karqa, chaywanpis mana chay suyullapichu pasarqa. Kay 2009 abrilmanta 2010 abrilkama chunka pusaqniyuq sinchi jallpʼa ikhakuykunamanta uyarikurqa.

¿IMATÁ WAKIN YUYANKU? Jallpʼa ikhakuykuna ñawpa tiempomanta nisqaqa mana yapakunchu, manaqa radio, televisión, Internet ima rikhurisqanraykulla astawan chaykunamanta yachanchik.

YUYASQANKU, ¿CHIQACHU? Bibliaqa qhipa pʼunchaykunamanta parlaspa, mana willarqachu machkha jallpʼa ikhakuykuna kananmanta, manaqa “sinchʼi jallpʼa ikhakuykuna” kananta, “kaynejpi jaqaynejpitaj” rikhurinanta, chayrayku kay tiemponchikpi sutʼimanta chaykuna rikukunan karqa (Marcos 13:8; Lucas 21:11).

¿IMATÁ YUYANKI? Bibliap profeciasnin sinchi jallpʼa ikhakuykuna kananta nisqan, ¿juntʼakuchkanchu?

Jallpʼa ikhakuykunallaqa, ichá mana qhipa pʼunchaykunapipunichu kawsachkasqanchikta rikuchin, manaqa Bibliap juknin profecian juntʼakuchkasqanta rikuchiwanchik. Juknintañataq qhawarina.

[4 paginapi sutʼinchaynin]

“[Jallpʼamanta yachaq runas] sinchi jallpʼa ikhakuykuna kasqanta niyku, wak runaspaqtaq may llakiylla.” (KEN HUDNUT, SERVICIO GEOLÓGICO NISQA ESTADOS UNIDOSMANTA)

[4 paginapi maymantachus foto urqhukusqan]

© William Daniels/Panos Pictures