1. Patsa kuyïkuna
1. Patsa kuyïkuna
“Allapa feyupam temblorwan patsa cuyonqa.” (LUCAS 21:11.)
● Atska nacionkunachö rikakoq huk televisionpa canalninmi kacharqan nunankunata Haití markachö alläpa feyupa patsa kuyur pasarishqancho, pëkunam wiyayarqan wayi huchusqakunapa rurinchö mana wiyakaqnölla llullu wambra waqaqta. Huk wata pullanyoq Winnie shutiyoq warmi wambram kanaq, y tsëpitaqa horqarayämurqanmi. Kë wambraqa patsa kuyïchö manam wanurqantsu, pero teytankunaqa wanuyarqanmi.
¿IMATATAQ RIKÄTSIKUN PASAKUNQANKUNA? 2010 watachö alläpa feyupa patsa kuyurnin Haití markata ushakätsinqanchöqa, 300 waranqa nunakunam raslla wanuyarqan y 1.300.000 nunakunam wayinnaq quedariyarqan. Manam tsëllatsu alläpa feyupa patsa kuyï kashqa. 2009 wata abril killapita hasta 2010 wata abril killayaqqa, kashqa chunka puwaq alläpa feyupa patsa kuyïkunam.
WAKINKUNA NIYANQAN. Unënöllam kanampis patsaqa kuyun. Pero kananqa cientïficokuna rurayanqankunam ëka kanqantapis musyarëkätsimantsik.
¿RASUMPAKU NIYANQAN? Ushanan hunaqkunachö ëka patsa kuyïkuna kanampaqtsu manam Bibliaqa parlan. Tsëpa rantinqa rikätsikun ‘mecho tsechopis allapa feyupa temblorwan patsa cuyunantam’, tsëmi musyatsikunan karqan ima tiempokunachö kawëkanqantsiktapis (Marcos 13:8; Lucas 21:11).
¿IMA NINKITAQ? ¿Biblia ninqannöku alläpa feyupa patsa kuyïkuna kan?
Manam alläpa feyupa patsa kuyunqanllatsu ushanan hunaqkunachöna kawëkanqantsikta rikätsikun, pero profecïakuna cumplikëkanqantaqa rikätsikunmi. Huk masta rikärishun.
[4 kaq päginachö ninqan]
“Patsa estudiaq nunakunaqa mantsakëpaq alläpa feyupa patsa kuyïkuna nishpam qayayä. Pero wakin nunakunapaqqa espantëpaqnöllam.” (KEN HUDNUT, SERVICIO GEOLÓGICO DE ESTADOS UNIDOS)
[4 kaq päginachö pikunapa kanqan]
© William Daniels/Panos Pictures