1. Ashpa chucucuynin

«Ancha ashca ashca chucucuynin tíaj ’rin» (LUCAS 21:11).

● Persunas ima llamcancu televisiúnpaj noticiasta ckos anoticiarancu Haitíp ashpa ancha chucucusckanta y uyarerancu quejidos allimitas escombros abajumanta. Casa cara Winnie, suj huarmi huahuita, suj huata y chaupi edarmanta, y chaymanta sorckorancu. Pay causarera ashpa chucucuymanta, pero tatasnin huañorancu.

¿IMÁT NINCU? Eneropi 2010 huatamanta Haiti ashpa chucucuptin huañorancu astaan 300.000 persunas y 1.300.000 suj ckonckayllapi maa huasíyoj cuterancu. Amapas chá ashpa chucucuynin, ni imapasta sackepucora mundupé mana chaylla cara. Abril 2009 y Abril 2010 huatasmanta al menus 18 cutis ashpa chucucora.

PENSASCKANCU. Ashpa na mana chucucun únay ina sucédej cara, cunan tecnología allít anoticiaycu.

¿CHAYNA CAN? Presente apináysh tían Biblia mana nin aica cutis ashpa chucucunman ckepa punchauspi. Manapé nin «sinchi ashpa chucuconcka» túcuy lauspi, chayraycu cay tiempuspé túcuy lauspi noticia canman áshpap chucucuyninmanta (Marcos 13:8; Lucas 21:11).

¿IMÁT NINQUI? ¿Ashpa sinchít chucucun, imaina Biblia nera?

Ashpa chucucusckanraycu mana niyta munan causashcaycu ckepa punchauspi; pero ari, cumplimientu suj profeciamanta can. Astaan ckaasúysh.

[Nisckan]

«[Geofísicos] Picunas ashpát estudiancu huajyancu sinchi ashpa chucucuynin. Persunáspaj can imallapas ancha sajra.» (KEN HUDNUT, SERVICIO GEOLÓGICO DE ESTADOS UNIDOS)

[Reconocimientu]

© William Daniels/Panos Pictures