Obunabbi 1. Emisisa

“Halibaho emisisa emikoto.”​—LUKA 21:11.

● Winnie, omwana ow’emyezi 16, bamusika kuruga omu nju enyakuseesekere omu ihanga lya Haiti. Abanyamakuru ba ha tivi abarukukwata ensonga enu bagamba ngu bamuhuliire narra. Omwana onu akiraho baitu bazaire be bafa.

AMANANU NIGOOLEKA KI? Omu Janwali 2010, omusisa ogw’amaani obugwatiire omu Haiti, abantu abarukuhingura omu 300,000 bakafa. Abandi abarukuhika nka 1,300,000 bakasigara bataine buraaro. N’obukiraaba ngu omusisa gunu gukaba gw’amaani, ihanga lya Haiti tiniryo lyonka eryatiirwe. Hagati ya Apuli 2009 na Apuli 2010, emisisa 18 ey’amaani muno ekateera omu nsi yoona.

ABANTU BAGAMBA KI? Titukyahikwaho emisisa nyingi. Baitu habw’okukurakurana omu byatekinolojiya, hati kyanguhire kugimanya kukira na kara.

MALI ENTEKEREZA EGI EHIKIRE? Tekerezaaho ekintu kinu: Baibuli tebazaaho emihendo y’emisisa ey’eraabaho omu biro ebya ha mpero. Baitu egamba ngu “emisisa emikoto” eribaho “omu biikaro ebindi nebindi,” ekyakugifoire emu habwokurorraho obukuru oburukwoleka akasumi kanu ak’embaganiza omu byafaayo.​—Marako 13:8; Luka 21:11.

NOTEKEREZA KI? Mali niturora emisisa ey’amaani nk’oku Baibuli yarangire?

Emisisa yonka esobora kuba etarukumara kutugumya ngu tuli omu biro ebya ha mpero. Baitu buli bumu ha bunabbi obuliyo nibuhikirizibwa. Wetegereze obwakabiri.

[Ebigambo ebikomerwemu]

“Itwe [abaseruliirizaaho obuhangwa bw’ensi] tugyeta emisisa ey’amaani. Abantu abandi boona bagyeta ey’akabi.”​—KEN HUDNUT, U.S. GEOLOGICAL SURVEY.

[Ekisisani Nambere Kiihirwe]

© William Daniels/Panos Pictures