Parau tohu 1. Aueueraa fenua

“E tupu te aueueraa fenua rarahi.”—LUKA 21:11, Te Faufaa Api.

● Ua faaorahia Winnie, fatata hoê matahiti e te afa, mai roto mai i te mau fare paparari i Haïti. Na te hoê pǔpǔ afata teata i faaroo i ta ˈna auê iti mǎrû. Ua ora mai oia i te aueueraa fenua, aita râ to ˈna na metua.

TA TATOU E ITE NEI. I to te hoê aueueraa fenua faito 7 tairiraa ia Haïti i Tenuare 2010, ua hau atu i te 300 000 taata tei pohe. E i te hoê noa taime, ua hau atu i te 1,3 mirioni taata aita e fare faahou. E ere râ o Haïti anaˈe tei tairihia i te hoê aueueraa fenua ino mau. Mai Eperera 2009 e tae atu i Eperera 2010, ua tupu 18 aˈe aueueraa fenua rahi na te ao nei.

TEI FAAROO-PINEPINE-HIA. Aita te aueueraa fenua i rahi roa ˈtu â. No te mau ravea apî noa hoi tatou e ite maitai aˈe ai i te reira i te taata i na mua ˈˈe.

UA TANO ANEI TEI PARAUHIA? A hiˈo na: Aita te Bibilia e haapapu ra ehia rahiraa aueueraa fenua i te anotau hopea. Te parau ra râ e e “aueueraa fenua rarahi” te tupu “i tera vahi ˈe i tera vahi.” E ite-maitai-hia ïa te reira i teie anotau faufaa o te tuatapaparaa.—Mareko 13:8; Luka 21:11, Te Faufaa Api.

EAHA TO OE MANAˈO? Te ite ra anei tatou i te aueueraa fenua rarahi, mai ta te Bibilia i tohu?

E ere paha te mau aueueraa fenua noa i te haapapuraa mau e te ora nei tatou i te anotau hopea. E ere râ teie noa parau tohu ta tatou e ite nei i te tupu. E hiˈo anaˈe i te piti.

[Parau iti faaôhia i te api 4]

“No matou, e aueueraa fenua rarahi teie. No vetahi atu, mea riaria mau ïa.”—KEN HUDNUT, PU TITOROTORORAA IHIFENUA NO MARITE.

[Faaiteraa i te fatu o te hohoˈa i te api 4]

© William Daniels/Panos Pictures