1. Чер шимчээшкиннери
1. Чер шимчээшкиннери
«Күштүг чер шимчээшкиннери... болгулаар» (ЛУКА 21:11).
● Гаитиге болган чер шимчээшкинин дамчыдып турган телерепортёрлар кошкак човуур дыңнап каан. Ол бир хар чартык Винни дээр бичии өпея болган. Ону бузундулар адаандан уштуп алган. Винни дириг арткан, ынчалза-даа ооң ада-иези чок апарган.
ФАКТЫЛАР ЧҮНҮ ЧУГААЛАП ТУРАР? 2010 чылда Гаитиге 7 баллдыг чер шимчээшкини болган соонда 300 000 кижи чок апарган, а 1,3 миллион кижи чурттаар оран-сава чок арткан. Бо дээрге күштүг чер шимчээшкиннериниң чүгле бирээзи-дир. 2009 чылдың апрельден 2010 чылдың апрельге чедир эвээш дизе-ле 18 күштүг чер шимчээшкини демдеглеттинген.
УДУР САНАЛ. Чер шимчээшкиннериниң саны көвүдевээн. Анаа амгы үениң технологияларының ачызында, эрткен үеге бодаарга, чер шимчээшкиннериниң дугайында хөй дыңнап турар апарган бис.
ШЫНАП-ЛА ЫНДЫГ БЕ? Бодап көрүңер даан: Библияда сөөлгү хүннерде чер шимчээшкиннери кайы хире хөй санныг болурун биживээн. Ынчалза-даа ында «чер болганга» «күштүг чер шимчээшкиннери» төөгүде болуп көрбээн үениң бир ылгалдыг демдээ боор деп бижээн (Марк 13:8; Лука 21:11).
ЧҮҮ ДЕП БОДААР СИЛЕР? Библияда күштүг чер шимчээшкиннериниң дугайында өттүр билген медеглел амгы үеде күүсеттинип турар бе?
Күштүг чер шимчээшкиннери бистиң сөөлгү хүннерде чурттап турарывыстың чаңгыс-ла борбак бадыткалы эвес-тир. Ол дээрге чүгле чаңгыс өттүр билген медеглел-дир. Дараазында чүүлче кичээнгейиңерни салыңар.
[Киирилде немелде]
«Бис [геофизиктер] оларны күштүг чер шимчээшкиннери дээр бис. А өске улуска ол аажок коргунчуг бооп турар» (КЕН ХАДНАТ, АКШ-ТЫҢ ГЕОЛОГИЯ ЭРГЕЛЕЛИ).
[Чурукка хамаарышкан информация]
© William Daniels/Panos Pictures