1. Tulan nijkel

«Ya xtal tulan nihquel» (LUCAS 21:11).

● Jun equipo yuʼun noticia te ya xlokʼ ta televisión te yakik ta yilbeyel skʼoplal te bin kʼax ta Haití la yaʼiyik te ay machʼa yakʼ ta ajkan ta yeʼtal te jinem naetik, jaʼ te Winnie te aytonax jun jaʼbil sok olil yaʼbilal, la yichʼ lokʼesel stukel yan te smeʼ state lajik.

TE BIN KʼOT TA PASEL. Te tulan nijkel kʼax ta Haití ta enero yuʼun 2010, la slajin 300,000 ants winiketik sok 1,300,000 jin ta jkʼaxel te snaik. Manchukme bayal bin la sjin jilel te tulan nijkele, ma jaʼuknax-a kʼax-abi. Ta abril yuʼun 2009 kʼalal ta abril yuʼun 2010 ay kʼaxan 18 tulan nijkeletik.

TE BIN YA YALIK YUʼUN. Ma yuʼunuk jaʼ bayalxan ya xkʼax te nijkel ta ora ini, te bin yuʼune jaʼ te ayix bin-utʼil ya jnaʼtik te bin ya xkʼax ta swolol te Balumilal.

¿YUʼUN-NIXBAL JICH-A TE BIN YA YICHʼ ALELE? Akʼa juluk ta koʼtantik, te Biblia ma xyalbey skʼoplal te jayebto nijkel ya xkʼax ta slajibal kʼajkʼal. Te bin ya yale «ha te ya xtal nihquel ta bayuc», chikan ta ilel te yuʼun-nix jich yakʼ ta kʼoel ta pasel-ae (Marcos 13:8; Lucas 21:11).

¿BIN YA AWAL TE JAʼATE? ¿Yakalbal ta kʼaxel tulan nijkel jich bitʼil ya yal te Bibliae?

Te tulan nijkel maniwan ya yakʼbotik kiltik te ayotikix ta slajibal kʼajkʼal, pero jaʼ jun albilkʼop te yak ta kʼoel ta pasel. Kilbeytik skʼoplal yan.

[Te bin ya yal]

«Te machʼatik ya kilbeytik skʼoplal te bin ya xkʼax ta Balumilal ya kalbeytik tulan nijkel, pero te yantik ants winiketik ya yalbeyik te bintik kʼax xiʼbantik sba» (KEN HUDNUT, SERVICIO GEOLÓGICO YUʼUN ESTADOS UNIDOS).

[Te machʼa yuʼun te foto]

© William Daniels/Panos Pictures