1-тӥ азьпалзэ ивортон. Музъемзурканъёс

«Музъем кужмо зуркалоз» (ЛУКА 21:11).

● Гаитиын ортчем музъемзурканлэн бервылъёсыз сярысь верась журналистъёс каллен гинэ ӝуштэм куараез кылӥзы. Со вал Винни нимо пичи нылашлэн ӝуштэм куараез. Сое куашкам корка улысь поттӥзы, нош солэн анаез но атаез бырыны шедизы.

МАР СЯРЫСЬ ВЕРАЛО ФАКТЪЁС? Куке 2010-тӥ арын, толшоре, Гаитиын сизьым балъем музъемзуркан луиз, 300 000-лэсь тросгес адями бырыны шедиз. 1 300 000 котыр адямиос улон интытэк кылизы. Но та одӥг гинэ музъемзуркан ӧй вал. Одӥг ар куспын, 2009-тӥ арын оштолэзьысен кутскыса 2010-тӥ арын оштолэзёзь, быдэс музъем вылын ог 18 кужмо музъемзурканъёс луизы.

ПУМИТ ВЕРАН. Музъемзурканъёс тросгес ӧз луэ. Азьвыл адямиос музъемзурканъёс сярысь иворъёсты шер кыло вал. Нош туала техникалы луыса, ми сыӵе иворъёсты ӵемгес кылыны быгатӥськомы.

ОЗЬЫ-А СО? Тани мар сярысь малпаське: Библиын верамын ӧй вал, кӧня музъемзурканъёс луозы берпум аръёсы. Отын верамын вал, берпум аръёсы музъемзурканъёс «интыен-интыен» луозы но кужмоесь луозы шуыса (Марк 13:8; Лука 21:11).

КЫЗЬЫ ТӤ МАЛПАСЬКОДЫ? Луо-а туннэ кужмо музъемзурканъёс, кудъёсыз сярысь верамын вал Библиын?

Музъемзурканъёс гинэ уг возьмато, ми берпум аръёсы улӥськомы шуыса. Та одӥгез гинэ азьпалзэ ивортон. Озьы ик висъялэ саклыктэс мукетызлы но.

[Ватсан]

«Ми [геофизикъёс] соосты кужмоесь музъемзурканъёс шуиськомы. Мукет адямиос соосты кышкытэсь шуо» (КЕН ХАДНАТ, ОГАЗЕЯСЬКЕМ ШТАТЪЁСЫСЬ ГЕОЛОГИЧЕСКОЙ СЛУЖБА).

[Суред сярысь]

© William Daniels/Panos Pictures