1. Йәр тәврәшләр

«Шиддәтлик йәр тәврәшләр болиду» (ЛУҚА 21:11).

● Гаитида йүз бәргән йәр тәврәш һәққидә хәвәр қиливатқан мухбир бир кичик балиниң пәс авазда жиғлаватқанлиғини аңлап қалди. Бу бир йерим яшлиқ Винни исимлиқ қиз еди. Уни харабиләр астидин қутқузуп чиқарди. Гәрчә у аман қалған болсиму, униң ата-аниси һаятидин айрилди.

ДӘЛИЛ-ИСПАТЛАР НЕМИНИ КӨРСИТИДУ? 2010-жил, январьда Гаитида йүз бәргән 7 бал йәр тәврәштә 300 000дин көпирәк киши өлүп кәтти. Көзни жумуп ачқичә тәхминән 1 миллион 300 миң адәм өй-макансиз қалди. Бирақ пәқәтла Гаитида бундақ шиддәтлик йәр тәврәш йүз берип қалмай, 2009-жил апрельдин 2010-жил апрельғичә дунияниң һәрқайси җайлирида кам дегәндә 18 шиддәтлик йәр тәврәш йүз бәргән.

КӘҢ ТАРҚАЛҒАН КӨЗҚАРАШ. Йәр тәврәшләр көпәйгини йоқ. Заманивий пән-техника тәрәққий қилғач, йәр тәврәшләр тоғрилиқ бурунқиға қариғанда, көпирәк хәвәрләрни аңлаймиз.

БУ ҺӘҚИҚӘТӘН ШУНДАҚМУ? Диққәт қилип көрүң: Муқәддәс китапта ахир заманда йәр тәврәшләрниң техиму көпийип кетидиғанлиғи һәққидә һечнәрсә йезилмиған. Амма нурғун җайларда «шиддәтлик йәр тәврәшләрниң» болуши ахир заманниң бәлгүлиридин бири болиду дәп йезилған (Марк 13:8; Луқа 21:11).

СИЗ ҚАНДАҚ ОЙЛАЙСИЗ? Муқәддәс китапта алдин-ала йезилған шиддәтлик йәр тәврәшләр бүгүнки күндә болуватамду?

Йәр тәврәшләр ахир заманда яшаватқанлиғимизни испатлайдиған алтә бәшарәтниң пәқәт бири. Һазир иккинчисигә диққәт ағдурайли.

 [4-бәттики қистурма]

«Биз [геофизиклар] уларни күчлүк йәр тәврәшләр дәймиз. Башқилар болса, уларни шиддәтлик дәйду». (КЕН ХАДНАТ, ГЕОЛОГ, АҚШ)

[4-бәттики рәсим рухсити билән]

© William Daniels/​Panos Pictures