Hiraagaa 1. Biittaa Qaattaa

‘Biittay wolqqappe qaaxxana.’—LUQ. 21:11.

● Heyti giyo biittan, Wayni geetettiya issi layttanne oyddu agina naˈiyo asay biittaa qaattan laalettida keettaa giddoppe keessiis. He biittaa qaattaabaa issi televizhiine xaabiyau yootiyaageeti he naˈee ooliyaa siyin, a paxa attidaba gidikkonne, o yelidaageeti attibookkona.

HANOTAY AY QONCCISSII? Biittaa qaattaa likkiyan 7.0 gidida biittaa qaattay Ichashe 2010n Heyti giyo biittan denddido wode, 300,000ppe dariya asay hayqqiis. Hegaa bollikka, he wode 1.3 miiloone asay keetti baynnaagaa gidiis. Hegee keehi wolqqaama biittaa qaatta gidikkokka, hegaa malabay gakkidoy Heyti biittaa xallaana gidenna. Hosppune 2009ppe Hosppune 2010 gakkanaashin alame yuushuwan 18 gidiya wolqqaama biittaa qaattay denddiis.

DAROTOO ASAY WOYGII? Ha wodiyan biittaa qaattay darotoo denddibeenna; ha wodiyan tekinolojiyaa eray gujjido gishshau, biittaa qaattaa xeelliyaagan beni wode deˈida asaagaappe aaruwan eroos.

HEGEE TUMEE? Ane hagaa akeeka: Wurssetta gallassatun denddana biittaa qaattaa qoodaa Geeshsha Maxaafay qonccissenna. SHin ‘wolqqaama biittaa qaatay’ ‘ubbasan deˈanaagaa’ yootees; hegee ha wodee taarikiyan dumma wode gidanaadan oottiyaabatuppe issuwaa.—Mar. 13:8; Luq. 21:11.

NE QOFAY AYBEE? Geeshsha Maxaafay kasetidi yootidoogaadan, wolqqaama biittaa qaattay denddiiddi deˈii?

Nuuni wurssetta gallassatun deˈiyoogau biittaa qaattaa xallay naqaasha gidana danddayenna. SHin, biittaa qaattay polettiiddi deˈiya hiraagatuppe issuwaa xalla. Naaˈˈantto hiraagaakka beˈa.

[Sinttaa 4n deʼiyaagaa qonccissuwaa]

“Nuuni [saynttistteti] hegaa wolqqaama biittaa qaattaa yaagoos. Qassi hara asay hegaa keehi yashshiyaabaa yaagees.”​—KEN HADNET, YU ES JIYOLOJJIYA XINAATIYAA.

[Sinttaa 4n deʼiya misiliyaa qonccissuwaa]

© William Daniels/Panos Pictures