Roꞌmahörö ꞌrada 1. Tiꞌai popo

“Duré te dza tihöiba tsaꞌẽtẽ na hã Tiꞌai popo hã.” — LUCAS 21:11 RTN.

● Haiti ãma, aiꞌutére Winnie na ĩtsitsi ma tô wadzere ni ꞌri ĩtsiprum hawi. Romhuriꞌwa ubumro televisão ma, te tsiwi wapa aiꞌuté tiꞌawi ĩwawa na. Aiꞌuté ma tsitsõꞌreptu, tadzahã ĩmama norĩ ma aiꞌutõrĩ dzahuré.

E MARĨ ĨROMHÖIMANADZÉ HÃ TE HÖIꞌRÉ. Haiti ãma, janeiro na 2010 na, ma tô tihöiba Tiꞌai popo ĩtsaꞌẽtẽ uptabi hã, 300 mil nhipai u ma tadöꞌö dzaꞌra ni, taha wa. Duré waptu na 1 milhão nhipai u danhorõwa ãna ma tô tihöimana dzaꞌra. Haiti ãma ĩwatobrodzé nhipai u Tiꞌai popo ĩhöiba amo norĩ ma tô roptsiwamnarĩ dzaꞌra Tiꞌai mono bö duré, ãté 18 Tiꞌai popo norĩ ma wairé 2009 hawi 2010 u.

E MARĨ NIꞌWAM NORĨ TE NATSI NHARĨ DZAꞌRA. Tiꞌai popo norĩ tsina höꞌö dzaꞌra õ di. Tsena na hã, ã bötö mono na hã, wa wapari dzaꞌra ni ĩwairébédzé hã duréi nhipai u.

E TÔ TSENA TE TE ĨNHARĨ DZAꞌRA DZÉ HÃ. Ãma rotsaꞌrata petse: Bíblia te te watsuꞌu õ di e niha uburé hã Tiꞌai popo norĩ ĩwairébé da na hã robꞌrãtsutu ré. Tadzahã duréi hawi Bíblia te tinha ‘te dza tihöiba tsaꞌẽtẽ na hã Tiꞌai popo hã . . . ro mono bö hã’. Tahã tsõꞌawi te höiꞌré ĩwahöimana dzaꞌra na hã robꞌrãtsutu u oto. — Marcos 13:8; Lucas 21:11 RTN.

E NIHA ATSIMIROTSAꞌRADA HÃ. Bíblia te te ĩwatsuꞌudzé hã Tiꞌai popo dzaꞌẽtẽ norĩ na, e te ãma uwaimra.

E Tiꞌai popo norĩ tsi te wama höiꞌré dzaꞌra ĩwahöimana dzaꞌra na hã robꞌrãtsutu u. Mare di. Bíblia watsuꞌu ĩhöiba amo norĩ dza ꞌre ĩromhöimana mono dzé hã te tihöimana dzaꞌra taha na. Madöꞌö.

[Ĩwatsuꞌudzé hã]

“Wa norĩ ma hã ta Tiꞌai popo dzaꞌẽtẽ norĩ hã. Ĩhöiba amo norĩ ma hã te mahörö dzaꞌra ropire norĩ hã.” — KEN HUDNUT, Romnhoréꞌwa Geofísica ãma - Estados Unidos

[Dapoto tedeꞌwa norĩ hã]

©William Daniels/Panos Pictures