1. Abazigizo

“Kpotosende adú ni zigizozigizo ho bakere.”​—RUKA 21:11.

● Winnie, du garãri nga sa na adiwi biama abati be gu bazigizo nagburuwa rago Haiti yo. Agu aboro naade sura gipai re agi kperi ri nikpari tii gburuwagburuwa abambu yo. Kina ri sa nabati be gu bazigizo re; avunguri aima kpiko.

GINI APAI NAMANGA ROGO ZEGINO? Ho bakere bazigizo amangi ni Haiti yo rogo Ngi 2010, bange agu aboro nakpi behe aima susa 300,000. Aboro wa 1,300,000 si agberesipa akpuyo. Wa vura duhe nga gu bazigizo namangi Haiti yo adu nikerehe gbe, anga kina yo sa bazigizo amangi ni te. Aba wa kandara 18 auru kpotosende dunduko abazigizo amangi rogoho bangbanda gu diwi nga Zerekpe 2009 na Zerekpe 2010.

GINI BIPAI DU DUNGU ABORO NANI? Ani abingo abazigizo gbe si nimangi te; ono gupai du nga ani rugutirani naapaha susi agu aboro nadu mbata mbiko sona kumbatayo rogo birĩ-ino-mangaahe.

YA MO RENGO DU NGA GIPAI RE? Oni ini gipai re: Ziazia Kekeapai ayanga wee abazigizo nika nge gbe ti yangara arame te. Ono gupai si apehe nga, “kpotosende adú ni zigizozigizo ho bakere rogo agu arago,” watadu bakere abazigizo nikadu. Si du dagba agu apai yo nasa gi regbo ani araka ti ni re si du kia.​—Marako 13:8; Ruka 21:11.

GAONI BIPAI NGA GINE SA GIPAI RE? Ya mo ani nabi bakere abazigizo si nimangi a wa Ziazia Kekeapai agumbaha?

Anga kina abazigizo sa nga guhe nayugo gupai nga ani naraka ti yangara arame te. Ani bingo gu uehe.

[Gu sura du ti kpewaraga 4]

“Ani nga abawisigipai tipa sende nayambaha nga bakere abazigizo. Kura aboro nabihe nikungbo gberãngbi.”​—KEN HUDNUT, DU ROGO GU RIIGBU NGA GA ABAWISIGIPAI TIPA SENDE AMERIKA YO.

[Gu sura du ti kpewaraga 4]

© William Daniels/​Panos Pictures