2. Mangṭam
2. Mangṭam
“Mangṭam a tlung lai.”—MARKA 13:8.
● Pa pakhat cu mangṭam in i dor awkah Niger ram Quaratadji timi khua ah a pem. A unau le a chungkhat pawl zong mah ram ah an rak pem dih cio. Asinain mah pa cu pher pakhat cungah amah lawngin a it. Zeicah amah lawng a si? An khuabawipa Sidi nih “a chungkhar pawl a zohkhenh khawh hna lo lengah rawlṭam in an ummi kha a zoh ngam hna lo caah a si” tiah a ti.
Mah Nih Zeidah A Langhter? Vawleicung pumpi ah minung 7 ah 1 hrawng cu nifatin ti le rawl loin an um. Saharan thetse ram thlanglei Africa ah ti le rawl loin a ummi cu an tam chinchin. Mah hmun ah minung 3 ah 1 cu rawl ṭam in an umnak a sau tuk cang. Mah kong hngalhthiam awkah fa pakhat a ngeimi nulepa tahchunhnak kha nan mithlam ah cuanter hmanh u. Rawl cu mi pahnih ei ding lawng an ngeih ahcun ahodah ei loin a um lai? A pa maw? A nu maw? A fa dah? Cu bantuk chungkhar hna nih nifatin rawl kong he aa tlaiin ahodah rawl loin a um lai ti kha thimnak an tuah.
Mi Tam Deuh Nih Zeitindah An Lehrulh? Vawlei nih mi kip caah rawl kha kan i zat leng hmanhin a chuahter ko. Vawlei thilri hna kha ṭha tein tlangtlak thiam tu kha a hau i a si.
Mi Tam Deuh Lehrulh Ning Cu Zumh Khawh A Si Maw? Lo thlo pawl nih a hlan nakin rawl kha tam deuh in an chuahter i an kuat hna. Cucaah mangṭam kong he aa tlaiin tawnghthampiak awkah minung cozah nih an tawnghtham awk a si. Asinain minung zocah nih kumzabu tampi chung an i zuam ko nain mangṭam kong he aa tlaiin an tawngtham kho hlei lo.
Nangtah Zeitindah Na Ruah? Marka 13:8 i chimchungbia cu a tling cang maw? Fimthiamnak cu a ṭhangcho ko nain mangṭam cu vawleicung pumpi ah a tlung ko lo maw?
Ni hmanung bik hmelchunhnak hna lakah a dang pakhat cu lihnin le mangṭam ruangah a chuakmi buaibainak kha a si tawn.
[Cahmai 5nak i a tawinak in langhternak]
“Cuap phin zawtnak, chungtlik zawtnak le a dang zawtnak hna ruangah a thimi ngakchia pathum ah pakhat leng cu vaiṭamin chambau hna hlah sehlaw an thi lai lo.”
—UN NGAKCHIA CAAH FUND KAWLNAK PHU I DIRECTOR ANN M. VENEMAN.
[Picture Credit Line on page 5]
© Paul Lowe/Panos Pictures