Profetsii 2. Hunger

“Es wërt . . . ësmitel feele.” — MARCOS 13:⁠8, Bíblia na Linguagem de Hoje.

● Eene man sucht xuts in een altee fon Quaratadji, Niker. Sayn priiter un xwestere un aach anere ferwanter sin fon ti kolonii aus kewanert weeche ti hungernoot. Awer, te man layt aleen uf een xtroo tepich ufm pootem. Warom? “Tee khan net sayn familye fersoriche un hot khee koraaj fer tëne in ti aue kuke”, saat Sidi, te xëf fon ti altee.

WAS TUUT WËRKLICH PASIIRE? In ti kans welt, neekst 1 persoon in 7 hon net kenuuch fer ese yeete taach. In Afrika subsaariana is es noch xlechte, 1 persoon in yeete 3 layte kroniche hunger. Fer tas peser ferxteen, xtelt tich foer een familye mit een fater, muute un een kleen khint. Wën ploos ese kenuuch is fer tswaay, weyer playpt oone ese? Te fater? Ti muute? Tas khint? Mit tiise situatsyoon mise fiil familye um keen yeete taach.

WAS TUUN ETLICHE TOO KEECHE SAAN? In ti kans welt wërt kenuuch esmitel protutsiirt fer ale. Tas mist ploos ales peser aus keteelt wëre.

XTIMT TAS? Is woer tas hayt khan mee esmitel keplants un aus keteelt wëre wii noch nii. Ti rechiirunge khënte peser um keen mit tas esmitel woo ti Eyert protutsiirt fer ti hungernoot am ën mache. Ale tëm woo se xon fer yoore lang fersuuche, hon se tas net hin kriit.

WAS MËNST TUU? Erfiilt sich hayt te tekst in Marcos 13:⁠8? Ale tëm ti foerxrite fon te teknoloxii, tuut hungernoot mënxe in ti kans welt wayter petrefe?

Kans oft, tuun eyertxutere un hunger tsu anere propleeme nëme, woo tsu tuun hon mit een anere aspëkt fom sinaal fon ti letste taache.

[Hooch phunkt uf sayt]

Mee wii tas trite teel fon ti khiner woo xtërpe weeche lung intsintung, torichfal un anere krankheete khente am leepe plaype wën se net hungernoot mit kemacht hëte.” — ANN M. VENEMAN, WOO ESEKUTIIW TIRETORIIN WAAR FON TI UNICEF

[Reechte iwer ti Pilte]

© Paul Lowe/​Panos Pictures