2. Ӧзӧгіс

«Ӧзӧгіс пол сығар» (МАРК 13:8).

● Нигерде, ӧзӧгістең тизіп, пір ир кізі Кваратаги аалзар килген. Аннаң хада тӧреен харындас-пиҷелері, туғаннары андарох килгеннер. Че ол кізі олардаң оонаң тудынған. Ноға? «Ол позының туғаннарын азырап полбинча, аннаңар оларның харахтарын кӧрерге уйатча», — анзын аалның пазы, Сиди, чоохтаан.

ФАКТТАР НИМЕ КӦЗІТЧЕЛЕР? Чир ӱстӱнде полған на читінҷі кізі тосханҷа чібинче. Сахарадаң ӱстӱнзархы хазналарда, тізең, полған на ӱзінҷі кізі тосханҷа чібинче. Пу саннар нимедеңер чоохтапчалар? Сӧбіреде ӱс кізі — пабазы, іҷезі паза палазы — полза, чиис ікі ле кізее чидер. Хайди сағынчазар, кем ӧзӧгер? Пабазы? Іҷезі? Алай палазы? Пу сурыға уғаа кӧп сӧбіре кӱннің сай урунча.

ТОҒЫР ЧООХ. Чир прайзына чидер иде чиис пирче. Ол чиис орта ӱлелген полза, пір дее кізі ӧзӧкпесчік.

АНЗЫ АНДАҒ БА? Сынап таа, мының алнындағызының хыринда амғы туста чиис уғаа кӧп. Ӧзӧгіс полбас ӱчӱн, ӱлгӱдегілерге ол чиисті орта ӱлирге кирек. Олар онар чыллар кӱстенчелер, че чон ам даа ӧзӧкче.

ХАЙДИ САҒЫНЧАЗАР? Марк 13:8-гі сӧстер толчалар ба? Наа технологиялар ползалар даа, чир ӱстӱнде кізілер ам даа ӧзӧкчелер.

Чир тітіреені паза ӧзӧгіс удаа тӱгенҷі кӱннерге кӧзітчеткен танығларның пірсіне ағылчалар. Аннаңар мының соондағы статьяда чоохталча.

[Вставка]

«Чиис читкіҷе полған полза, пневмония, диарея паза пасха даа ағырығлардаң ӱрепчеткен палаларның ӱзінҷі чардығы тіріг халарҷых» (ЮНИСЕФ-ТІҢ ДИРЕКТОРНЫҢ ТОҒЫЗЫН АПАРҒАН КІЗІ, ЭНН ВИНИМАН).

[Хоостаңар искіріглер]

© Paul Lowe/​Panos Pictures