Wemoherep hap 2. Sȳꞌat hap

— Iꞌatu rakaria hesȳꞌat rakaria teꞌeropyhuꞌat ȳt katꞌi miꞌu mesūwat rotiat pote. — MAKU 13:8

● Ihaig̃nia towyriaꞌīn wȳwo iꞌatuesȳꞌat kahato pote taꞌatukāt miꞌu Níger ywania kape. Maꞌato ihaig̃nia tuweran porog̃me toig̃neꞌen yi tote. Kat pote asom. — Ȳt katꞌi miꞌu toipoi towyriaꞌīn hamo pote. Miꞌi tupono ihaig̃nia iꞌarōt kahato topyhuꞌat e tuꞌisa Sidi ihaig̃nia e tawa pe.

KAT ASOM WEMOHEREP HARIA PUO PYI WATEHAꞌAT KUAP. Mesūwat yi oktān sese mītꞌīn ȳt katꞌi miꞌu teꞌerenuk hamo wuatꞌi eꞌāt pe. Iraniaꞌīn ywania koꞌi pe mītꞌīn hoꞌopot poꞌog̃. Kotā̃ e hap. África pe mītꞌīn ȳt teꞌerenuk kahatoꞌi ȳt katꞌi miꞌu itote pote. Etikuap poꞌog̃ hamo miꞌi hap etiat erenentup o kotā̃ e hap kape. Ȳwot ny hawyi iꞌatumempyt wȳwo ȳt kat kahatoꞌi miꞌu teꞌerenuk hamo. Maꞌato iꞌatuꞌyat pe toig̃ miꞌu typy mītꞌīn me yn. Uwe asom tenuk hamoꞌi. Aikotā̃ etipuenti. Ȳwot sio ny sio mempyt. Miꞌi hap tuwemoherep kahato typyꞌi kahato ete.

KAN IRANIAꞌĪN TEꞌERUWANENTUP. — Hawopy kahato mesūwat yi miꞌu koꞌi wo kat kat ywa mikoi koꞌi wo iꞌatuꞌe. Waku iraniaꞌīn mītꞌīn timõꞌẽ miꞌu iraniaꞌīn me iꞌatuꞌe.

IꞌATUWANENTUP HAP PȲWO ASOM. Korā̃ iãꞌỹi koꞌi koi haria taꞌatukoi kahato iãꞌỹi koꞌi hawyi ywa koꞌi iꞌewȳte taꞌatupoꞌoro sese irania tawa koꞌi kape poꞌog̃ saꞌawyꞌi wuat kai. Morekuaria timõꞌẽ kuap miꞌu mītꞌīn me hawyi taꞌatumomã kuap sȳꞌat hap wȳwo maꞌato ȳt taꞌatunug̃ hinꞌi.

AIKOTĀ̃ ETIPUENTI. Maku 13:8 e hap tuwemoherep taꞌyn asom. Korā̃ typyꞌi kahato maquina ipakup koꞌi hoꞌokup. Miꞌi pykai wen ewanentup hawe mesūwat yi oktān asom mītꞌīn iꞌatuesȳꞌat kahato te sio ȳt hap.

Tyry e hap koꞌi hawyi sȳꞌat hap hoꞌomosoꞌopot mītꞌīn. Maꞌato miꞌi ynꞌi toig̃ iraniaꞌīn wemorehep hap koꞌi ikahuro hap eꞌāt eꞌyj̃an mete.

[Miwan ko’i]

— Sese hirokaria iꞌatukuꞌuro ahū pono sio okpyhy hawyi iraniaꞌīn ahū koꞌi kaipyi. Miꞌiria iꞌatukuꞌuro iꞌatuesȳꞌat kahato pote e. — ANN M. VENEMAN. MIꞌI IPOTPAP RAꞌYN FUNDO DA ONU PARA A INFÂNCIA E HAP PE.

[Iaꞌag̃kap etiat]

© Paul Lowe/Panos Pictures