2. Yárckay

«Mícuy chusancka» (MARCOS 13:8).

● Suj ckari pacacun suj llajtapi Quaratadji (Nigermanta). Primusnin, ñañas y turasnin amorancu carumanta micuyta mascas. Ashpapi suj gerguillát mantas chay saanpi siricora. ¿Imajchus? «Mana capas ckaacun [familianta] mícuy apapuyta, y penckacus uyasnincuta mana ckaacun», chayna nin Sidi, camáchej aldeamanta.

¿IMÁT NINCU? Suj sapa 7 persunasmanta ima ashpapi causancu sapa punchau yárckay usuncu y Africapi subsahariana astaan sajra, maypi suj quimsa persunasmanta chayna chayna micun. Cuentáp cáyey suj huasíp causan tatan, maman, suj huahuita. Y si ishcayllápaj mícuy apincu, ¿pít yarckayuan cutin: tatan o maman? Pues, ashca familias chayta llallincu sapa punchau.

PENSASCKANCU. Ashpa ancha ashca cosecha ckon persunas apinancúpaj suficiente mícuy; pero precisacun tucuyta allít manejayta.

¿CHAYNA CAN? Ciertu can ni aicappas únay ina ashca cosechacora mundupi persunas apinancúpaj micuyta. Alli canman gobernajcuna chá cosecha utilisanancuta mícuy mana chusanánpaj; pero ancha unaymantapacha, mana atincu lograyta.

¿IMÁT NINQUI? ¿Ciertu can nisckan Marcos 13:8? Amapas cunan túcuy moderno can, ¿ashca persunas yárckay llallincu?

Ashpa chucucuynin y yárckay ckaachincu ima tiaycu ckepa punchauspi

[Nisckan]

«Ashca cá huahuitasmanta huañuncu onckos neumoniaan, desarreglo apis y sujcuna layas onckoycunas ima aterancu causariyta si mícuy mana chusapucora.» (ANN M. VENEMAN, EX DIRECTORA EJECUTIVA DE UNICEF)

[Reconocimientu]

© Paul Lowe/Panos Pictures