Пророчество 2. Боқалимос

«Авэла боқалимос» (МАРКА 13:8).

● Кай тэ спасыйпэ лэ боқалимастар, ек мурш авэл андо гав Кваратаги (Нигер). Кордэ жэ авэн лэстирэ ԥрала и ԥэя, чаче и упэрвых. Но во ритярдёл лэндар май дур. Васо? О Сиди, барэдэр лэ гавэско, ԥэнэн: «Во нэ можэт тэ проправарэл [пэстирэ чачен], и лэсти лажаво тэ диқэл лэнди андэ яқа».

ПАЛА СО ԤЭНЭН КОДА, СО САС? Кажно седьмо мануш пэ люма надохал. Андэ страны каринг о юӷо от Сахары и ситуацыя инке май ԥари. Котэ всегда надохал кажно трито мануш. Пала со ԥэнэн кадэла цыфры? Прецтавь ерес, кай исин трин мануша, о дад, и дэй и о бэято. Если о хамос хутилэл кати пэ дуй мануш, тоди ко ашэлпэ боқало? О дад, и дэй или о бэято? Кацаво вопросо исин кай бут еря кажно дес.

СО ԤЭНЭН И МАНУША? Пэ ԥув адес май бут уражаё, чем трэбуй. Трэбуй кати май драго тэ диқэн, кай о хамос тэ авэл всаворэндэ.

КАДА КАДЯ? Чаче, адес, сар никала, исин фартэ бут хамос. О правительство трэбуй тэ ӷанэн тэ распределий о хамос кадя, кай тэ на авэл боқалимос. Хоть и прожылэ бут бэрша, лэндэ всаек нисо на вижал.

САР ГИНДОС ТУ? Исполнинпэ и алава анда Марка 13:8? На здэлпэ тути, кай хоть и мануша ужэ драго ӷанэн, со тэ терэн, кай тэ авэл бут хамос, о боқалимос всаек исин па вся и люма?

И землетрясения и о боқалимос часто анэн каринг и бида. Када кадяжэ доԥэнэн, кай амэ жувас андэ послидни деса. Пала када ԥэнэнпэ андэ авэр статья.

[Вставка, страница 5]

«Май бут, чем трито часть бэятонэн, савэ мулинэ лэ насвалимастар пневмония, диарея и авэр, вижылоп тэ спасын, если лэндэ авелоп хамос, скати трэбуй» (ЭННО ВИНИМАНО, БЫВШО ДИРЕКТОРО АНДО ЮНИСЕФО).

[Сведения важ и картинка, страница 5]

© Paul Lowe/Panos Pictures