2. Waʼin

«Ojni ajyuk waʼin» (MARCOS 13:8).

● Jun winik wa xwaj sleʼ skoltajel bʼa jun lugar ja bʼa Quaratadji (Níger). Ja sprimoʼik, sok ja yijtsʼinik cha tini elyejan bʼa yoj chonabʼ bʼa spakjel ajnel yuja waʼini. Ja winiki stuchʼil wa sjipa sbʼaj bʼa jun pop. ¿Jas yuj? «Yujni mixa xlajxiyuj smakʼlajel [ja spamilya], sok mixani skʼana oj yil ja sniʼ sate», jach wa xcholo ja Sidi, ja olomal bʼa lugari.

¿JASA WA SJEʼA JA JAS EKʼELI? Bʼa juke kristyano ja bʼa luʼumkʼinali june ja bʼa yeʼnle mi staʼa lek swaʼel. Pe mastoni ja bʼa África subsahariana yujni bʼa kada oxe kristyano, june ja bʼa yeʼnle kada kʼakʼu mi staʼa swaʼel. Bʼa oj kabʼtik stojol, la jpensaraʼuktik bʼa jun pamilya bʼa aye oxwane, ja nanal, ja tatal sok ja yal skereme. Ta kechan ay waʼelal bʼa chawane, ¿machunkiluk oj stekʼ waʼin: ja maʼ ja nanal ma ja tatal? Pes jitsani pamilya jach wa skʼulane kada kʼakʼu.

JA JAS WA XYALAWE. Ja bʼa Luʼumi malan lek wa xyaʼa ja jwaʼeltik bʼa kibʼanaltik. Ja jas wa xkʼulantik necesitari jani stojbʼesel mas ja jastal wa xpilxi.

¿STOJOL MAʼ AY JA JAW? Meran, mini ajyel jitsan waʼelal sok pilxel ja bʼa luʼumkʼinal jastal ja wego. Sok sbʼejni ke ja gobyernoʼik oj yawe makunuk bʼa xchʼayjel ja waʼin ja bʼa luʼumi; pe ama jitsanxa jabʼil wane skʼujolajel, mini bʼobʼel yujile.

¿JAS WAXA PENSARAN? ¿Meran ma’ ja jas wa xyala ja Marcos 13:8? ¿Wanto maʼ xyiʼaj wokol yuj waʼin ja kristyano anima jelxa ja aparatoʼik jel chapan?

Aytoni tuk wokolik yuja terremotoʼik sok ja waʼin bʼa tini chʼikan soka tsaʼanixta kʼakʼu.

[Xcholjel]

«Jitsan yal untik mini oj bʼobʼ chamuke yuj neumonía, ekʼ lukum sok tuk chamelik lek yuj wanuk staʼa swaʼele». (ANN M. VENEMAN, JA EX DIRECTORA EJECUTIVA DE UNICEF)

[Bʼa eleli ti wax tax]

© Paul Lowe/Panos Pictures