2. Ачарчилиқ

«Ачарчилиқ болиду» (МАРК 13:8).

● Бир киши ачарчилиқтин қутулуш үчүн Кваратагә (Нигерийә) йезисиға панаһлиқ издәп кәлди. Кейин униң уруқ-туққанлириму шу йезисиға көчүп кәлди. Бирақ бу киши туққанлиридин өзини қачуруп жүриду. Немә үчүн? Шу йезидики жигит беши Седе сәвәвини чүшәндүрүп, мундақ дәйду: «У өз [аилисини] бақалмайду, шуңа өз туққанлириниң үзигә қараштин уюлиду».

ДӘЛИЛ-ИСПАТЛАР НЕМИНИ КӨРСИТИДУ? Һәр күни дунияда һәр йәттә кишидин бири ач қосақ жүриду. Сахара чөллүгиниң җәнубидики Африка дөләтлиридә әһвал техиму начар. У йәрләрдә һәр үч кишидин бири дайим йегүдәк тамақ йоқ яки қосиғи тоймай жүриду. Бу ечинарлиқ әһвални чүшиниш үчүн ата, ана вә бир бала үч җан бар аилини тәсәввур қилиң. Тамақ пәқәт икки кишигә йәтсә, ким ач қалиду? Атиму? Аниму яки балисиму? Көплигән аилиләрниң һәр күни мошу аилигә охшаш қарар чиқиришиға тоғра келиду.

КӘҢ ТАРҚАЛҒАН КӨЗҚАРАШ. Йәрдин елинидиған мол һосуллар һәммә инсанларниң қосақ тойғузуши үчүн йетәрлик. Шу мәһсулатлардин пәқәтла тоғра пайдилиниш керәк.

БУ ҺӘҚИҚӘТӘН ШУНДАҚМУ? Раст, деханлар бурунқиға қариғанда, көпирәк ашлиқ мәһсулатлирини ишләп чиқирип, уларни йәткүзүп бериду. Әслидә инсаний һөкүмәтләр шу мәһсулатлардин тоғра пайдилинип, ачарчилиқ мәсилисини һәл қилиши зөрүр. Бирақ улар һәтта нәччә он жил тиришип баққан болсиму, бу мәсилини һәл қилалмай келиватиду.

СИЗ ҚАНДАҚ ОЙЛАЙСИЗ? Марк 13:8-айәттики сөзләр әмәлгә ешиватамду? Заманавий пән-техникиниң тәрәққий қилған болсиму, инсанийәтниң ачарчилиқ мәсилисини техи һәл қилалмиғанлиғи кишини һәйран қалдурмамду?

Йәр тәврәшләр вә ачарчилиқ қатарлиқ балаю апәтләрдин башқа ахир заманниң бәлгүсидин йәнә бири болған балаю апәт йүз бериду.

 [5-бәттики қистурма]

Өпкә яллуғи, ич сүрүш вә башқа кесәлликләр билән өлүп кәткән балиларниң үчтин бириниң йетәрлик озуқ-түлүги болған болса, аман қалған болатти. (БДТ ӨСМҮРЛӘР ФОНДИНИҢ БАШЛИҒИ БОЛҒАН АН М. ВЕЙНЕМАН)

[5-бәттики рәсим рухсити билән]

© Paul Lowe/​Panos Pictures