Panjahaion 3. Panahit

“Masa ma . . . panahit i bahat ianan.”​—LUKAS 21:11, Terjemahan Dunia Baru (NW).

● Sanggah masa porang i sada nagori i Afrika, bahat do penambang na matei halani virus Marburg. * Si Bonzali, sahalak mantri, marusaha manambari sidea na hona panahit ai. Mangindo pangurupion do ia hubani pamarentah. Tapi lang mar na roh pangurupion ai. Ompat bulan dobkonsi ai roh ma pangurupion, hape si Bonzali domma matei. Hona virus humbani penambang na itambarini do homa ia.

AHA NA MASA? Panahit radang paru-paru, diare, HIV/​AIDS, TBC, pakon malaria ai ma panahit na paling bahat na mambahen matei manisia. Bani tahun 2004 tumang, dong hira-hira 10,7 juta halak matei halani lima panahit ai. On artini dong hira-hira sada halak matei tiap tolu detik sadokah tahun ai.

AHA NA IHATAHON BUEI HALAK? Halani lambin tambah bilangan ni jolma, tontu lambin bahat ma homa masam ni panahit, anjaha gabe lambin bahat ma na hona.

TONGON DO NA IHATAHON SIDEA AI? Tongon, podas do memang tambah bilangan ni jolma, anjaha lambin maju do homa kedokteran sonari on. Jadi sasintongni boi do namin ipamalum panahit ai. Hape lang ai na masa.

SONAHA PANDAPOTMU? Ai setuju do ham saud do sonari on panjahaion ni Bibel pasal panahit?

Dong marjuta halak na marsitaronon halani gempa, kelaparan, pakon panahit. Tapi bahatan ope na marsitaronon halani parlahou ni jolma, tarmasuk humbani kaluargani sandiri. Pardiateihon ma use aha na ihatahon Bibel pasal ai.

[Surat Partoruh]

[Kutipan]

“Majangin do anggo bois do daging ni jolma ipangan singa, dos do jangin ni ai anggo bois daging ni jolma ipangan panahit. Anjaha bahat do halak na ididah hita sonai.”​—EPIDEMIOLOG MICHAEL OSTERHOLM.

[Picture Credit Line]

© William Daniels/Panos Pictures