Profecia 3. Enfermedad

“El maga gente . . . ay tene tamen enfermedad.”—LUCAS 21:11, El Nuevo Testamento.

● Si Bonzali, un oficial na un health center na un nacion na Africa donde tiene guerra, ya pricura ayuda con el maga ta trabaja na mina na diila barrio quien tiene Marburg virus. * Ya pidi le asistencia con el maga oficial na un mas grande ciudad pero nuay este ayuda con ele. Cuatro meses despues, ya llega el ayuda pero muerto ya si Bonzali. Yan tapon le con el maga minero con quien le ya pricura cura.

COSA TA DALE MIRA EL MAGA REPORT? El maga enfermedad igual na pneumonia, diarrhea, HIV/AIDS, tuberculosis y malaria ta causa el muerte del manada maga gente cada año. Del 2004, este cinco clase de enfermedad ya mata maga 10.7 millon gente. Este maga enfermedad ya mata un persona cada tres segundo na entero año.

COSA TA HABLA EL CUANTO? Ta continua omenta el populacion del mundo poreso natural lang que mas manada caso de enfermedad. Mas manada gente el quien puede man tapon.

DEVERASAN BA SE? Pronto lang ya omenta el populacion del mundo. Pero, pronto lang tambien ya progresa el saber del gente acerca si paquemodo conoce, controla y cura maga enfermedad. Poreso, gendeh ba debe este ayuda para menora el efecto del enfermedad na maga gente? Pero, bien diferente el cosa ta sucede.

PARA CONTIGO? Ta experiencia ba grabe enfermedad el maga gente como cosa ya predicta el Biblia?

El maga temblor, hambre y enfermedad ta causa destrozo na millones de maga gente. Y millones tambien el ya queda victima de aquellos quien era debe protege kanila. Nota si cosa ya habla el profecia na Biblia que sucede.

[Footnote]

[Blurb]

“Bien maka-miedo que come contigo el un leon o otro animal pero ansina tambien de maka-miedo que muri por causa na grabe enfermedad adentro na de tuyu cuerpo y mira con el maga gente alrededor contigo que ta muri por causa con ese.”—EPIDEMIOLOGIST MICHAEL OSTERHOLM.

[Picture Credit Line]

© William Daniels/​Panos Pictures