Omaprofetero 3. Omitjise

‘Mamu kara . . . omitjise.’—LUKAS 21:11

● Bonzali, omuungure wouveruke mehi rimwe ra Africa nda nyonwa i yovita, wa kondja pu ma yenene okupanga ovaungure vomine mokahuro ma turire mbaave ṱu i yondwi yomutjise mbwi Marburg. * Ombatero ndja ningira okuza kovanane votupa pekepeke motjihuro tjarwe kena pe i muna. Kombunda yomieze vine, Bonzali otja muna ombatero, posi yokutja eye tjandje wa ṱu. Eye wa toora omutjise mbwi Marburg okuza kovaungure mbaa kondjo okuvatera.

HAPO OMAPU YEṊE NGU MAYE ṊUNISA OTJIṊA HI? Omitjise mbi ṱuna komapunga, omipito, ehinga nondwi yaro, oTB nomalaria i vimwe vyomitjise ominyone mbi ṱuna kovandu tjinene. Mozombura nḓa, omitjise otja imbyo vya zepa ovandu ape omangete omurongo nokanḓe nohambombari. Pu mape hee kutja, omitjise mbyo vya zepa ape omundu umwe movandu vetatu mozosekonde ndatu, mombura.

OVANDU OVENGI VE PIRURA VI OUMUNE MBWO? Owo ve tja, otjivarero tjovandu mouye tji kurira ko, kunao omitjise otji vi takavarera ko. Ovandu ovengi mape ya ave vere omitjise mbyo.

HAPO OUMUNE MBWO OUATJIRI? Otjivarero tjovandu mouye tje kurira ko tjinene. Nu wina ounongo wovandu okutjiwa kutja omundu wa vera pu ye, okutjurura nokupanga omitjise we kurira ko. Hapo omitjise katja vi yaruka kehi mena rounongo mbwo? Posi yokutja, omitjise vi yerurukira ko.

HAPO OVE U NOUMUNE UṊE? Hapo ovandu ve vera omitjise omizeu otja Ombeibela pu ya hunganeka?

Omanyinganyingiro wehi, ondjara nomitjise, oumba mbu ya kovandu avehe nu mbu yeta onyoneno kovandu ovengi. Nu ovengi ve muna oumba mbu etwa i yovandu, nu tjinene oumba mbwo u za kovandu mbu mave sokuvetjevera. Tara kutja omaprofetero wOmbeibela ye tja vi ohunga notjiṋa ho.

[Omambo wokehi]

[Blurb]

“Otjiṋa otjitirise okuriwa i yongeyama poo i yotjiṋa tjarwe ngunda amo tarere, nu wina otjiṋa otjitirise okuriwa i yomutjise omuzeu okuza moukoto nokumuna avihe mbi mavi kayenda po ongondoroka na ove.”​—ONONGO MOTJITAMBA TJOMITJISE OMIHWANGE MICHAEL OSTERHOLM.

[Picture Credit Line]

© William Daniels/​Panos Pictures