Kikanenu 3. Mabhebhu
Kikanenu 3. Mabhebhu
“Athu a-nda . . . bhita mu mabhebhu.”—LUKA 21:11, Contemporary English Version.
● Bonzali, ua kalakele mu inzu ia ku saka ku Africa, ku ixi kuene mu bhita ita iavulu, muéne ua bhangele ioso phala ku saka o akalakadi a sota ima koxi dia mavu (mineiros) a tokalele ku mbanza iê, akexile ni uhaxi ua Marburg. * Muéne ua bhingile kikuatekesu ku akalakadi a tokala ku jinzo ja ku saka, maji ka mu kuatekesa kana. Mu ku bhita mbeji jiuana, o kikuatekesu kia bhixila, maji Bonzali ua fuile kiá. Muéne a mu sambukila o uhaxi ua Marburg ua kexile nau o akalakadi a sota ima koxi dia mavu, (mineiros) akexile mu saka.
IHI ILONDEKESA O IZULUKUTU ÍII? O uhaxi ua dibhuima, kála ua polomonia, ua kabhualala (diarréia), SIDA, uhaxi ua izavu, (tuberculose), ni Febele ia dibuabua (malária) iene mu jibha dingi athu avulu mu ngongo. Mu mivu ia bhiti, o mauhaxi enhá, a jibha 10.7 dia jimidi ja athu. Mivu joso a jibha muthu umoxi, mu ithangana itatu.
IHI IZUELA O ATHU? Athu ku mundu, ene mu dimendala dingi, mukonda dia kiki o mauhaxi ene mu dibandekesa ué. Kienhiki, o uhaxi, u tena ku sambukila athu avulu.
O KUILA O ATHU A MU ZUELA O KIDI? Mu kidi, o athu ene mu dimendala dingi. Maji o athu ene mu tena kuijiia o ku saka, o mauhaxi. O mabhebhu ene mu jibha athu, keji bhua kiá mu ngongo? Maji kiki ki kiene mu bhita, ene mu jibha dingi athu avulu.
IHI I U BANZA? O kuila o athu ene mu bhita muene mu mabhebhu kála kiambe o Bibidia?
O itungutu ia ixi, o nzala, ni mabhebhu, ima ki tu tena ku i mona, iene mu jibha jimidi ja athu mu ngongo. Jimidi ja athu, ene mu ku a talesa hadi ku athu ni akua—a mukuá, ene mu a talesa hadi ku athu a tokalele ku a langa. Xinganeka mu kikanenu kia Bibidia, kuila ima íii ieji bhita.
[Tanga mu luji]
^ kax. 3 O Uhaxi ua Marburg, ua Kubhubha o manhinga, ua tundu ku kibamba (Ebola) ia kulusa ni kunena manhinga.
[Kilombuelelu ku bandu 6]
“Kima kia iibha o ku kudia ku hoji, mba ku kiama kioso-kioso, kiene kimoxi, kima kia iibha ku kudia moxi ku mauhaxi, ni ku tala athu oso a ku kondoloka ku a dia uâ ku ima íii.”—EPIDEMIOLOGIST MICHAEL OSTERHOLM.
[Muxinda ua tokala ku foto ku bandu 6]
© William Daniels/Panos Pictures
