3. Yo ngijeme
3. Yo ngijeme
“Ra nzhodʼꞹ o ngeme kʼo me na sʼɇzhi.” (LUCAS 21:11)
● Kja na país a África nu ja mi chu̱ji, e Bonzali ke mi pɇpji kja gobierno, bo tsjaa texe kʼo bo søø ngekʼua ro jokꞹ yo minero ke xo mi menzumꞹji nangeje a ma mbøtrʼꞹji ke ngijeme Mamburgo ke mi nzhodʼꞹnu. a E Bonzali, o pejñe jñaa kja yo autoridad de salud pe go mezheji nzijo zana ke o ndꞹrꞹji, ma o sⱥjⱥ kjo ro mbøsʼꞹji kʼo mi sødye, e Bonzali a bi nrru̱u̱ o zꞹrꞹ ke ngijeme ke mi søø ko mi nee ro salva.
¿PJE NGE K’O YA BO KJOGꞸ? Yo ngijeme ke me na sʼoo kʼꞹ søji yo ntee kja texe ne Xoñijumꞹ ngeje nu neumonía, nu sida, nu tuberculosis ñe nu paludismo, nujyo o mbøtrʼꞹji komo 11 millón ntee kja nu kjɇɇ 2004, ixi bo nrru̱u̱ dʼa ntee kja nzi dʼa jñii segundo.
KʼO MANJI YO NTEE: Xe iji na punkjꞹ ntee kja texe ne xoñijumꞹ ngekʼua na punkjꞹ ntee ke ri sødyeji.
¿KJO NA KJUANA KʼO MAMA YO NTEE? Na kjuana ke a ka̱ra̱ na punkjꞹ ntee kja texe ne Xoñijomꞹ, i xo bʼꞹbʼꞹ ntee ke pa̱ra̱ji na joo jar ga jokʼꞹji yo nrrotkʼijeme. Zø nge akjanu, ¿pjenga dya trjeze yo nrrotkʼijeme?
¿PJE I MANGE? ¿Sødyedya yo ntee ja ba mama ne Biblia?
A ro nuji ke ma mbiʼi nu xoñijumꞹ, nu trjijmi ñe yo nrrotkʼijeme kjapꞹ ra supjreji na punkjꞹ ntee. Xo bʼꞹbʼꞹ na punkjꞹ ntee ke kjapꞹji ko na sʼoo o minteji, jesta kʼo ñʼesʼeji ra mbøsʼꞹ o minteji, kjapꞹji ra supjreji yo ntee. Ra nujidya pje mama ne Biblia.
[Jñaa]
a Kʼe nrrotkʼijeme Mamburgo ba e̱je̱ kja kʼe ngijeme ke ni chju̱u̱ ébola.
[Jñaa]
“Me na sʼoo i me na ꞹꞹ ke dʼa león ra zakʼꞹ, chjetrjui dʼa nrrotkʼijeme ra tsjakʼꞹ ri supjre y jmanchʼa jmanchʼa ri jñanrratsjɇ kʼo na kjogꞹtsʼꞹ.” (MICHAEL OSTERHOLM, EPIDEMIÓLOGO)
[Kʼo o tsjaji]
© William Daniels/Panos Pictures