3. Parankon
3. Parankon
“Moropai paran wanî kupî sîrîrî pata po.” — LUCAS 21:11.
● Bonzali esenyakaꞌmapîtîꞌpî hospital ta Africa pataꞌseꞌ po. Esenyakaꞌmakoikonya eraꞌmapîtîꞌpî toꞌ ekomiꞌmasan pîꞌ, paran itese Marburg *. Epîikaꞌtîntoꞌ saꞌtîꞌpîiya, tîîse anîꞌya ipîikaꞌtîsaꞌ pra man. Saakîrîrî kapoi tîpo pîikaꞌtîntoꞌ iipîꞌpî, tîîse aasaꞌmantasaꞌ tanne. Paran yapisîꞌpî Bonzaliya esenyakaꞌmakoikon piapai.
Îꞌ EꞌKUPÎ? Nuwaasuꞌ, aton, HIV/aids, tuberculose moropai maláriaya tuꞌke pemonkonyamîꞌ iwîꞌ pîꞌ man. Esenupantoꞌya yenpo pîꞌ man seeniꞌ parankonya 10 milhões kaisarî pemonkonyamîꞌ wîꞌpî.
Îꞌ TAA TIARONKONYA? Sîrîrîpe, pemonkonyamîꞌ epamî pîꞌ man mararî pra Pata poro, mîrîrî yeꞌnen tuꞌke parankon man moropai priꞌya pra pemonkonyamîꞌ ena.
Îꞌ TAA TOꞌYA WANÎ YAIRON PE? Tuꞌke pemonkonyamîꞌ epamî pîꞌ man Pata poro rî. Sîrîrîpe, pemonkonyamîꞌ esenupa pîꞌ man mersin (remédio, medicine) konekatoꞌpe parankon yapisî pemonkonyamîꞌya namai. Tîîse mîrîrî eꞌkupî pra man. Priꞌya pemonkonyamîꞌ ena pra man mersin wanî tanne.
Îꞌ TAA PÎꞌ NAN? Priꞌya pra pemonkonyamîꞌ enan pîꞌ man parankon pîꞌ, mîrîrî taasaꞌ Paapa Maimuya panpe?
Pata eserentîkîꞌma manniꞌ, iwan moropai parankonya tuꞌke pemonkonyamîꞌ iwîꞌ pîꞌ man. Tuꞌke eꞌtarumaꞌtîntoꞌ man nîrî, itonpakon pîꞌ toꞌ esaꞌnama pra wanî yeꞌnen moropai toꞌ esewankonoꞌma pra wanî yeꞌnen nîrî toꞌ pîꞌ. Eraꞌmakî îꞌ eꞌkupî taꞌpî Paapa Maimuya mîrîrî pîꞌ.
[Imenukasaꞌ itoko eraꞌmakî - nota]
^ Marburg wanî manniꞌ paran ebola panpe.
[Morî pe panpîꞌ]
“Morî pe pra wanî kaikusiya ayanîꞌsaya, mîrîrî panpe wanî asaꞌmantasaꞌya paran pîꞌ. Moropai morî pe pra wanî mîrîrî eraꞌmaya yai.” — MICHAEL OSTERHOLM, ESENUPAꞌKOI PARANKON PÎꞌ
[Yekaton Crédito]
© William Daniels/Panos Pictures