3. Mishongo
3. Mishongo
“Kukakala mishongo ya kulitambwisa.”—LUKA 21:11.
● Bonzali, muka-kutala bya bukangule bwa banu mu lifuti limo lya Africa, washakele kukwasa baka-kupanga mu mikoti baje bakele na kubinja mushongo wa Marburg. * Walombele bukwasi kuli baka-kupanga mu fulumende baje bakele mu nganda yakama, oloni kawanene bukwasi bwatondele. Munima ya bingonde biwana, bukwasi bwatondele bwawaniwile, oloni ha simbu oyo, te natoko laja. Banu bashakele kukwasa bakebo bamutambwisile mushongo wa Marburg.
BIKA BILI NA KULINGIWA? Mishongo ya kufwa ngwe pneumonia, HIV/AIDS, T.B, malaliya na mishongo ya mwimo ili na kutsiya banu babangi mwaka na mwaka. Mu myaka ya ololo, eyi mishongo inatsii banu ba kweta ku 10.7 milyoni. Mu endekesi ikwabo, eyi mishongo yakele na kutsiya munu umo munima ya masekondi atatu.
BAMO NGWABO: Kuli mishongo yaingi ano matangwa mwafwa na banu mu kaye banatumu.
KUMA MUKEMWO BENE NDI? Nambala ya banu mu kaye yalibwezelela manene. Oloni banu banawana lalo bingila bikwabo mwakusakela mishongo. Ngeci, mishongo inapandele kutepuluka. Oloni keti bikebyo bili na kulingiwa.
YENI MUMONA BATI? Kuma kuli mishongo ya kulitambwisa ngwe muyendekelele Mbimbiliya ndi?
Mandunduma, njala na mishongo binaka banu mu bukalu. Banu bamo bali na kuyandesa bakwabo. Bamoco banu bakabayandesa banapu banu baje banapande kubanyungilila.
[Majwi a kwinikila]
^ par. 3 Kalongolo kashaka kulifwa na Ebola kakeko lalo kakanene mushongo wa Marburg Hemorrhagic Fever.
[Majwi]
“Kutsa ku mushongo cinapu cuma cacibi ngwe mukunapu kuliwa ku ndumba. Co lalo cinapu cuma cacibi manene kumona banu babangi batsa ku mushongo.”——MICHAEL OSTERHOLM, MUKA-TULALA BYA MISHONGO YA KULITAMBWISA.
[Majwi a Kuzimbula Babenya]
© William Daniels/Panos Pictures