3. Gorere
“Taunimanima na . . . gorere dikadia bae hisihisilai.”—LUKA 21:11, Contemporary English Version.
● Bonzali, helt ofesa ta, tuari ese e hadikaia Africa hanuana ta ai, na dekenai miadia heduru ḡaudia amo mine ai e ḡaukara taudia Marburg virus a e abia taudia e durulaidia. City badadia ai e nohomu helt ofesa ma haida amo heduru e noi to asie durua. Hua hani e ore muridiai, ena noinoi heduruna e kau, to Bonzali na de mase. Ia na e urava baine durudia mine ḡaukara taudia amo Marburg virus na e abia.
E VARA MOMOKANI ḠAUDIA ESE DAHAKA E HAHEDINARAIMU? Laḡa tunatuna gorerena (heḡereḡere pneumonia), hekukuri goreredia, HIV/AIDS, TB (tuberculosis), bona malaria ese taunimanima momo e hamasediamu. Vanegai laḡanidia ai, unu gorere ima ese taunimanima 10.7 milion e hamasedia. Eiava ini baita gwau tomamu, unu gorere ese laḡani tamona lalonai, kahirakahira sekeni toi lalodiai taunimanima ta e hamaseava.
TAUNIMANIMA MOMO BE DAHAKA E GWAUMU? Tanobada ai taunimanima hida e nohomu nambana na e bada e laomu dainai, gorere idauidaudia danu e varamu. Taunimanima momo na bae goreredia diba.
EDIA HEREVA BE MAORO, A? Tanobada ai taunimanima hida e nohomu nambana na e bada haraḡamu. To, taunimanima edia diba na e bada e laomu dainai, gorere idauidau bae tahu, bae biagu, bona bae hanamo diba. Baita haeroamu neganai, tanobada heḡeḡemadai una ese gorere e hamaraḡiamu, a? Lasi.
OI BE DAHAKA O LALOAMU? Baibul ese e perovetalaia heḡereḡerena, taunimanima be gorere dikadia daidiai dounu bae hisihisi, a?
Tano laga, doe, bona gorere idauidau na taunimanima milion momo e hadikadiamu. To ma milion momo na bamodia ese e hahisidiamu—idia momo na etomu bae naridia taudia ese e hahisidiamu. Mani Baibul ese e perovetalaia baine vara ḡauna aita laloa.
[Futnout]
a Marburg Hemorrhagic Fever na Ebola heḡereḡerena virus ta ese e havaraiamu.
[Blurb on page 6]
“Laion eiava ḡau ma ta ese oi baine animu na dika herea, to gorere dikana ta ena virus ese tauanimu lalona baine ania bona oi badimu taudia iboudiai ediai danu una baine vara, na dika herea danu.”—EPIDEMIOLOGIST MICHAEL OSTERHOLM.
[Picture Credit Line on page 6]
© William Daniels/Panos Pictures