3. Krankhëte

“Dai lüür . . . daue feel krankhëte doirsete.”(LUCAS 21:11 fon dai Bijbel Contemporary English Version)

● In ain stel in África woo feel krijg mank dai lüür passijrt is, Bonzali, air kërl wat tau dai regirung arbëre däir, hät forsöcht hülp suiken weegen wek arbëdslüür däire doodblijwe weegen ain sort krankhët wat Marburg * fëwer hit. Hai is nåm ain gröter stad gåe taum hülp suiken, åwer kain hät em hulpe. Fair månat heer as dai hülp kåme is, Bonzali wäir al doodbleewe. Hai hät uk dai krankhët kreege fon dai arbëdslüür wat hai helpe wul.

WAT DAUE WIJ WIRKLIG WAITE? Krankhëte soo as lungenentsündung (pneumonia), doirfal (diarreia), HIV/AIDS, stikhauste un malária sin dai krankhëte wat mër gefärlig sin. Dårdoir daue feel lüür doodblijwe. Pår tijd trööguut 10 miljone un 700 duusend lüür sin doodbleewe weegen dëse krankhëte. Dat wäir soo as wen ain mësch doodblijwe däir in jërer drai sekunde doir ain jår lang.

WAT DAUE WEK MAINE? Dat ine wild ümer mër lüür ware, den ware mër lüür krank.

STIMT DAT T’HOOP? Dai lüür ine ganse wild ware ümer mër, åwer dai dokters waite nuu uk mër oiwer dai krankhëte un wosoo dai lüür gesundmåke. Den, müste nuu wënige krankhëte sin, is ni wår? Åwer, dat däit ni soo passijre.

WAT MAINST DUU? Kan dat woo sin feel slechte krankhëte soo as dai Bijbel foiruut sägt hät?

Ërschütlen, hungersnood un krankhët daue miljone lüür eer leewend schåre. Andrer miljone daue nood doirsete weegen dat wat eer uppasse müste daue eer slecht behandle. Sai wat dai Bijbel sägt wat passijre däir.

[Nåt]

[Groot srijwen 6]

“Dat is beängstlig upfreete ware fon ain lööw urer irgends ain anerd tijr. Åwer is grår soo beängstlig doodblijwe weegen ain slecht krankhët un saie dat üm dij rümer passijre däit.”

[Wem dai bijld höört ine sijr 6 stäit]

© William Daniels/​Panos Pictures