Eulo 3. Omauvela
Eulo 3. Omauvela
“Ovanthu mavakakala . . . nomauvela omavi.”—LUCAS 21:11, Contemporary English Version.
● Bonzali, onkhalamutwe yekongoko motyilongo tyimwe tyo Afilika muaendele ovita, ankho uvatela ovaundapi vaheya omamanya akolela mepundaumbo liae vekahi nokunkhia nouvela utiwa Marburg. a Oe waita ombatelo kononkhalamutwe mepundaumbo enene, mahi avehemukumbulula. Etyi palamba onohanyi ononkhuana ombatelo yehika, mahi Bonzali ankho wankhiale. Oe wakuatua no Marburg yovaundapi ankho ahanda okuyovola.
OITYI TYIKAHI NOKUMONEKA? Omauvela otyitoma, notyihana, no SIDA, nomukolo omunene, nomalalia, omauvela amwe ekahi nokuipaa ovanthu. Omanima okualamba, omauvela oo aipaa ovanthu 10,7 yonomiliau. Mongeleka, ouvela oo waipaa omunthu wike mono segundu ononthatu.
OITYI OVANTHU VAPOPIA? Ovanthu mouye auho vatualako okuliyawisa, moluotyo omauvela nao atualako nokuliyawisa. Kuna ovanthu ovanyingi nkhele vapondola okutambula omauvela.
OKUTI ETYI OVANTHU VAPOPIA OTYILI? Ovanthu mouye auho vekahi nokuliyawisa unene. Mahi ovanthu vena ounongo omunene wokunoñgonoka ouvela, nokuetyilika, nokuehakula. Okuti ovanthu vekahi nokuvila okumanako omauvela? Au, nkhele omauvela ekahi nokumana ovanthu.
OITYI OVE USOKA? Okuti ovanthu vekahi nokumona ononkhumbi nomauvela omavi ngetyi tyapopia Ombimbiliya?
Ovinimawe, ondyala, nomauvela vikahi nokuipaa ovanthu ovanyingi. Ovanyingi vekahi nokumoneswa ononkhumbi novanthu ovakuavo—ovanyingi vekahi nokulingwa onya navana ñgeno ankho veveamena. Tala etyi eulo Liombimbiliya lipopia okuti matyikamoneka.
[Onondaka Poutoi]
a Marburg ouvela umwe welifua nomukihi utiwa Ebola.
[Onondaka Mbavilapo pefo 6]
“Otyivi unene okuliwa nonkheama itunda kondye ine otyipuka otyikuavo, mahi tupu otyivi unene okuliwa nouvela umwe omuvi utunda mokati iya otale okuti ukahi nokuliyandyana molutu luove aluho.”—EPIDEMIOLOGISTA MICHAEL OSTERHOLM.
[Olutalatu Lualandwa pefo 6]
© William Daniels/Panos Pictures