3. Endwara

“Abantu nibaija . . . kurwara endwara z’akabi.”​—LUKA 21:11, Contemporary English Version.

● Bonzali, orikukora aha by’amagara omu ihanga rimwe ry’Africa eryateganisiibwe entaro z’enganda, naateeraho kuragurira abarikukora omu birombe omu rurembo rwe abarwaire omushwija gwa Marburg. * Akateeraho kushaba abeebembezi omu rurembo ruhango orwo kumuhwera kwonka byona byaba ebya busha. Bwanyima y’ameezi ana, obuhwezi bukarugaho bwaija, kwonka Bonzali akaba yaaherize kufa. Akakwatwa omushwija gwa Marburg kuruga aha bakozi b’ebirombe abo abu yaabaire naateeraho kuragurira.

OBUHAME NIBWOREKA KI? Endwara z’ebihaha (nk’ebyemerero), ekiirukano, siriimu, akakoonko, omushwija n’ezindi nyingi nizo kirikukirayo kuteganisa abantu. Omu myaka egi, endwara itaano ezi zibaasize kwita abantu obukaikuru 10 n’emitwaro nshanju. Nari nitubaasa kugira ngu endwara ezi zikaba niziita omuntu omwe omu butikitiki bushatu omu mwaka gumwe.

ABANTU BAINGI NIBAKIRA KUGAMBA KI? Abantu omu nsi nibeeyongyera obwingi, n’ahabw’ekyo n’endwara nazo nizeeyongyera. Hariho abantu baingi abarikubaasa kwija kukwatwa endwara.

EKI BARIKUGAMBA SHI KIHIKIRE? Abantu omu nsi bakanyire munonga. Kwonka beeyongyeire n’okutunguuka omu kuzicebera, okuziremesa kujanjaara, n’okuzitamba. Mbwenu shi endwara tizaakubaire nizituuba munonga omu bantu? Kwonka nitureeba nihabaho ekirikutaana n’ekyo.

NOOTEEKATEEKA KI? Mbwenu shi bantu nibarwara endwara z’akabi nk’oku Baibuli yaagambire?

Emitsitsa, enjara, n’endwara nibyo bimwe aha bintu ebikizireyo kuteganisa abantu. Abandi nibabonabonesibwa abantu bagyenzi baabo abashemeire kuba nibabarinda. Yetegyereze eki obunabi bwa Baibuli bwagambire ngu kikaba nikiija kubaho.

[Obugambo obw’Ahansi]

[Ebigambo ebitoorainwe]

“N’akagwe kushanga otariibirwe ekintu nk’ekicuncu nari ekindi kintu, kandi nabwo n’akagwe endwara etarikureebwa kukurya erikuruga omunda ekakwetoorora weena.”​—MICHAEL OSTERHOLM ORIKUKORA AHA BIGWEREREZI.

[Obukomooko bw’ekishushani]

© William Daniels/​Panos Pictures