Prophecy 3. Disease

Leit zayla soffahra “mitt grankeda.”​—LUKAS 21:11.

● Africa is en country es reeli afekt is bei civil war. Da Bonzali, en public health official datt, dutt vass eah kann fa selli helfa es in mines shaffa, un es am shtauva sinn funn da Marburg virus. * Eah hott kfrohkt fa hilf funn officials in en graysahri shtatt, avvah eah hott kenn hilf grikt. Fiah moonet shpaydah is hilf endlich kumma, avvah da Bonzali voah shund kshtauva. Eah hott da Marburg virus grikt funn di leit es eah am boviahra voah helfa.

VASS FA PROOF HENN MA? Lower respiratory infections (so vi pneumonia), diarrheal diseases, HIV/​AIDS, tuberculosis, un malaria sinn samm funn di shlimshti diseases es leit afekt. In 2004 sinn baut 10.7 million leit kshtauva funn dee fimf diseases. In anri vadda, ’sis baut ay ebbah kshtauva alli drei seconds, koss funn dee diseases.

VASS DOON LEIT OFT SAWWA? Es sinn als may un may leit in di veld, un koss funn sell sinn’s may diseases. So’s sinn may leit es grank vadda kenna.

IS SELL VOAH? Es sinn als may un may leit in di veld. Avvah leit sinn aw am shmeahdah vadda fa able sei fa aus fikkahra vass fa disease es’s is, vi fa’s kantrohla, un vi fa’s treeda. Dayt’s dann nett yusht sense macha es’s vennichah diseases veahra heit? Avvah, sell is nett vass am haebna is, ’sis yusht am shlimmah vadda.

VASS DAYTSHT DU SAWWA? Sinn leit am soffahra funn diseases yusht vi di Bivvel ksawt hott?

Earthquakes, nett genunk havva fa essa, un disease afekt millions funn leit. Es sinn aw millions funn anri am soffahra koss funn vass mensha am du sinn zu si, even bei selli es supposed sinn fa si protekta. Vella gukka vass di Bivvel ksawt hott es haebna zayld.

[Footnote]

[Blurb]

“Es is terrible fa kfrossa vadda funn di autseit nei bei en lion adda ebbes vi sell, avvah ’sis yusht so terrible fa kfrossa vadda bei en disease funn di inseit raus, un fa sell sayna haebna gans aus em rumm.”​—EPIDEMIOLOGIST MICHAEL OSTERHOLM.

[Credit Line fa’s Piktah]

© William Daniels/​Panos Pictures