3. Krankheiten
3. Krankheiten
“De Menschen woaren . . . aun schrakjelje Krankheiten lieden” (LUKAS 21:11, Contemporary English Version).
● Bonzali schauft aus een Dokta fa de Rejierunk en een afrikaunischet Launt, wua Birjakjrich es. Hee prooft, soo goot aus hee kaun, de Mienenoabeida en siene Staut to halpen, waut von dän Marburg-Virus krank sent. * Hee kaun nich väl doajäajen doonen un frajcht de Beaumte von eene jratre Staut no Help, oba vejäfs. Vea Moonat lota schekjen dee doch noch Help, oba Bonzali es aul jestorwen. Hee haud sikj dän Marburg-Virus oppjeschlapt von de Mana, waut hee halpen wull.
WAUT TO BEOOBACHTEN ES: Lungenkrankheiten (soo aus Lungenenzindunk), Derchfaul, AIDS (SIDA), Tuberkulosis un Malaria sent von de Krankheiten, wua de mieeschte Menschen aun stoawen. En eent von de latste Joaren sent rom 10,7 Millionen Menschen aun irjenteene von dise fief Krankheiten jestorwen. Daut es ojjefäa aule dree Sekund een Mensch.
WAUT EENJE SAJEN: Daut jeft emma mea Menschen oppe Welt, un soo jeft daut uk mea Kranke. Je mea Menschen daut jeft, je mea kjennen sikj waut oppschlapen.
ES DAUT SOO, AUS DEE SAJEN? De Menschen sent werkjlich sea väl mea jeworden. Oba to selwje Tiet sent uk de Doktarieen väl bäta jeworden. Wudd daut dan nich sellen mäajlich sennen, de Krankheiten unja Kontroll to brinjen? Un doch woat daut enne Städ bäta emma schlemma.
WAUT JLEEFST DU? Lieden de Menschen aun schrakjelje Krankheiten, soo aus de Schreft daut verutsäd?
Ieedbäben, Hungaschnoot un Krankheiten brinjen väl Lieden äwa millionende Menschen. Oba millionende motten uk unja aundre Menschen lieden – foaken unja soone, waut an rajcht jesajcht beschitzen sullen. Daut es uk en de Schreft verutjesajcht.
[Footnoot]
^ Varsch 3 Bie daut Marburg-Feeba fangt eena aun von bennen to bleeden; daut woat veuasoakt von eenen Virus, waut soo änlich es aus de Ebola-Virus.
[Takjst]
“Daut es sea schlemm, wan een Leiw ooda sest een willet Tia eenem oppfrat, oba daut es krakjt soo schlemm, wan eene schrakjelje Krankheit eenem von bennen oppfrat, un nich mau eenem selfst, oba uk aundre Menschen rom eenem” (MICHAEL OSTERHOLM, DOKTA FA ÄWASCHLONENDE KRANKHEITEN)
[Bilt Biltnowies]
© William Daniels/Panos Pictures