3. Reʼ taqeh yabʼilaal
3. Reʼ taqeh yabʼilaal
«Eh naa ruwihiik [...] i maʼ kʼisa yabʼilaal» (LUCAS 21:11)
● Reʼ Bonzali, jenaj winaq inkamanik pan centro reh salud pan tinamit Africa reʼ kʼahchiʼ rikʼik pan puhbʼanik chi kiwach taqeh wilik kajaawriik, reʼ reh xubʼan chuʼnchel i wilik pan qʼabʼ reh roqʼomjik taqeh i winaq reʼ kikamanik pan abʼaj reʼ wilik naq keh i yabʼilaal rubʼihnaal Marburgo. * Xuqʼoreej taqeh i kehtʼaliim chi riij i yabʼilaal reh chi ne intobʼjik, xa reʼ laʼ reʼ keh xichahmik kijibʼ poh. Noq xponik i tobʼinik, reʼ Bonzali kamnaq naq chik. Xunihej naq riibʼ ruukʼ i kiyabʼilaal taqeh i winaq kikamanik pan abʼaj.
¿CHAJARIK INKʼUTINIK RUUKʼ XKʼULJIK? Reʼ taqeh yabʼilaal jeʼ rukabʼ i alaqis, taqeh haʼsaaʼ, reʼ sida, reʼ tuberculosis eh i paludismo reʼ taqeh yabʼilaal wilih kow wach chi keh i kʼachareel. Reʼ hoʼoobʼ chi yabʼilaal wilih xukansaj taqeh junlaj millón chi kʼachareel pan 2004, xareʼyuʼ naq kikimik.
REʼ INKIQʼOR I JUʼJUN. Reʼ taqeh kʼachareel kʼahchiʼ kikʼihbʼik; nikʼwach noq maʼ ne kiyowabʼjik.
¿MI KORIK INKIQʼOR? Atoobʼ ta reʼ taqeh kʼachareel kʼahchiʼ kikʼihbʼik, kʼahchiʼ woʼ reqarik juʼjun taqeh eqʼoom reh i yabʼilaal. Mi jeʼ reʼ, ¿chaj woʼ reet wilik kʼih taqeh yabʼilaal? Chuwach taqeh haabʼ inqil, chi kʼahchiʼ rukʼihbʼik taqeh yabʼilaal.
¿CHAJARIK INAQʼOR I HAT? ¿Xti kow na wach i kiyabʼilaal taqeh kʼachareel jeʼ rukabʼ xuqʼor cho i Santo Laj Huuj?
Reʼ taqeh kow laj yihk, reʼ wiʼjaleel, taqeh i maʼ kʼisa yabʼilaal irubʼan tiʼ keh i kʼihaal chi kʼachareel. Kʼihaal i kʼachareel inkikʼul i tiʼ pan kiqʼabʼ i kifamilia, atoobʼ ta ne naq inqaqʼor chi reʼ keh intobʼinik keh. Chawil taqeh qʼorooj cho rubʼiral pan Santo Laj Huuj chi riij taqeh wilih.
[Re’ tz’ihb’amaj ri’sil i página]
^ párr. 3 Reʼ kaq yabʼilaal rubʼihnaal Marburgo irubʼan chi ne naqʼebʼ kʼih i kiikʼ jeʼ rukabʼ i yabʼilaal rubʼihnaal ébola.
[Re’ taqeh q’orik koruman]
«Ne tiyoʼjik noq jenoʼ kaq kooj on jenoʼ josqʼ laj chikop ne tirukʼux eh jeʼ woʼ reʼ ne nawikʼraaj noq wilik jenoʼ ayabʼilaal ne tirukʼuhsaj eh ne nawikʼraaj i kʼahchiʼ akʼulum». (MICHAEL OSTERHOLM, REʼ IRUTZʼIR RIIJ TAQEH YABʼILAAL EH I ROQʼOMAL)
[Ehtalil re’ taqeh xi’esanik cho reh]
© William Daniels/Panos Pictures