3. Unquykuna
3. Unquykuna
“Kallanqataj [...], wañuchej onqoykuna.” (LUCAS 21:11)
● Africamanta juknin suyupi maypichus maqanakuykuna kachkarqa, centro de saludpi llamkʼaq Bonzaliqa, qhuya runasman wañuchiq unquy Marburgo sutiyuq wañuchichkasqanrayku paykunata jampiyta munaspa tukuy imata ruwachkarqa. * Kamachiqkunamanta yanapata mañakuptinpis, tawa killas pasaytaraq chayamurqanku. Yanapa chayamuptintaq Bonzali wañusqaña karqa. Qhuya runasta jampiyta munasqanrayku wañuchiq unquyninkuwan chimpachikusqa.
¿IMATAQ YACHAKUN? Tukuy jallpʼantinpi astawan runas wañunku chʼuju, qʼichalira, sida, tuberculosis, paludismo ima unquykunawan. Kay phichqa unquykunaqa 2004 watapi, chunka jukniyuq millonestajina wañuchirqa, sapa kimsa segundospi juk runa wañusqanta nisunman.
¿IMATÁ WAKIN YUYANKU? Runaqa yapakuchkallanpuni, chayraykutaq astawan unqunku.
YUYASQANKU, ¿CHIQACHU? Jallpʼapi runa yapakuptinpis, ima unquywanchus kachkasqankuta yachanankupaq, imawanchus, imaynatachus jampichikunankupaq ima, tukuy ima rikhurimullantaq. Chayrayku, ¿manachu unquykuna pisiyanan kanman? Unquykuna pisiyananmantaqa astawan yapakuchkallanpuni.
¿IMATÁ YUYANKI? Bibliap profeciasnin nisqanmanjina, ¿wañuchiq unquykunawanchu runas ñakʼarichkanku?
May chhika runasta jallpʼa ikhakuykuna, yarqhaykuna, unquykuna ima ñakʼarichichkan. May chhika runastaq familiankuta jarkʼanankumantaqa, paykunallataq ñakʼarichichkanku. Bibliap profeciasnin imatachus chaymanta niwasqanchikta qhawarina.
[Sutʼinchaynin]
^ párr. 3 Marburgo unquyqa runap ukhunta kʼajarichin, yawartataq suruchin, ébola unquymantaq rikchʼakun.
[6 paginapi sutʼinchaynin]
“Juk león mikhuykuwachkasunman chayqa maytapuni ñakʼarichiwasunman, astawanraq juk unquy pisimanta pisi ukhunchikta mikhuykuchkasqanta reparakuyqa mayta ñakʼarichillawanchiktaq.” (MICHAEL OSTERHOLM, DOCTOR)
[6 paginapi maymantachus foto urqhukusqan]
© William Daniels/Panos Pictures
