Пророчество 3. Насвалимос
Пророчество 3. Насвалимос
Кай и мануша авэла насвалимос, «саво йто розжалпэ и йто умарэл» (ЛУКИ 21:11).
● Андэ ек африканско страна, кай жалас и война, ек врачо, савэс ақарэн Бонзали, терэлас вся, со па лэско зор, кай тэ спасый лэ шахтёронэн анда пэско форо, савэ мэрэнас лэ насвалимастар марбург-вирусо *. Кала во мангля помощь кай и барэ мануша анда авэр форо, лэсти нико нэ атветил. Помощь динэ кати через штар шон. Но сас ужэ позно. О Бонзали заразисайля лэ манушэндар, савэн камэлас тэ виличий и муля.
ПАЛА СО ԤЭНЭН КОДА, СО САС? Кати важ о 2004 бэрш кацавэ насвалимастар андэ лёхки (например, сар пневмония), желудочно-кишэчно насвалимос, СПИДО, туберкулезо и малярия, мулинэ май бут, чем дэш милионоря мануша. Аврэ алавэнца, кадэлэ насвалимастар кажно трин секунды мэрэл ек мануш.
СО ԤЭНЭН И МАНУША? Пэ ԥув ашэн май бут мануша и важ када ашэл май бут насвалимос.
КАДА КАДЯ? Пэ ԥув чаче ашэлэ фартэ бут мануша. Но и мануша линэ драго тэ полэн, саво исин насвалимос, сар тэ тердярэн лэс и сар тэ личин. Тоди хэба найгодявэрнэс тэ аштярас, кай о насвалимос на авэла через кода, со домарделэ и мануша? Но терэлпэ вся наоборот.
САР ГИНДОС ТУ? Исполнийпэ о библейско пророчество, кай лэ манушэндэ авэла ԥаро насвалимос?
Землетрясения, боқалимос и насвалимос, када фартэ барэ биды, савэндар мэрэн милионоря мануша. Но май бут лэ манушэндэ ԥаримос пэстирэ чачендар, кодэлэндар, ко трэбуй лэн тэ фэрий. Диқэн, со пала када ԥэнэнаспэ андэ Библии.
[Сноска]
^ абз. 3 Марбург-вирусно насвалимос, када насвалимос, савэстар кай и мануша лэлпэ бари инфекцыя и пэ тила ашэн ратвалэ пятки. Пэ кадэва насвалимос кадяжэ ԥэнэн лихорадка. Во шолпэ пэ лихорадка Эбола.
[Вставка, страница 6]
«Страшно, если тут похала лево или авэр зверё. Но кадяжэ страшно, кала тут схал ԥаро насвалимос и ту диқэс, кай кадяжэ терэлпэ и аврэ манушэнца» (ЭПИДЕМИОЛОГО МАЙКЛО ОСТЕРХОЛМО).
[Сведения важ и картинка, страница 6]
© William Daniels/Panos Pictures