Profecia 3. Sëmundje
Profecia 3. Sëmundje
«Njerëzit . . . do të vuajnë nga sëmundje të tmerrshme.»—LUKA 21:11, Contemporary English Version.
● Bonzali, një nëpunës i shëndetësisë në një vend afrikan të rrënuar nga lufta civile, bën më të mirën, edhe pse pak, që të ndihmojë punëtorët e minierës në qytetin e tij që po vdesin nga virusi i Marburgut. * Kërkesat për ndihmë që kanë bërë zyrtarët e një qyteti më të madh, kanë mbetur pa përgjigje. Katër muaj më vonë, më në fund vjen ndihma, por Bonzali ka vdekur. Ai e mori sëmundjen e Marburgut nga minatorët që po orvatej t’i shpëtonte.
Ethet hemorragjike të Marburgut shkaktohen nga një virus që lidhet me Ebolën.
ÇFARË TREGOJNË FAKTET? Infeksionet në rrugët e poshtme të frymëmarrjes (si pneumonia), sëmundjet diarreike, HIV/SIDA, tuberkulozi dhe malaria, janë ndër sëmundjet më shkatërruese që mundojnë njerëzimin. Vetëm në vitin 2004 këto pesë kategori sëmundjesh llogaritet të kenë vrarë 10,7 milionë njerëz. E thënë ndryshe, këto sëmundje kanë vrarë afërsisht një person çdo tre sekonda, gjatë gjithë vitit.
CILI ËSHTË NJË KUNDËRSHTIM I ZAKONSHËM? Popullsia e botës vazhdon të rritet, kështu që është normale të ketë më shumë raste sëmundjesh. Mund të infektohen më tepër njerëz.
A KA BAZA KY KUNDËRSHTIM? Popullsia e botës është rritur ndjeshëm. Po me aq shpejtësi është rritur edhe aftësia e njeriut për të diagnostikuar, kontrolluar dhe trajtuar sëmundjet. Atëherë, a nuk është logjike të presim një rënie të pushtetit të sëmundjeve ndaj familjes njerëzore? Mirëpo ndodh krejt e kundërta.
SI MENDONI? A nuk po vuajnë njerëzit nga sëmundje të tmerrshme, siç ka parathënë Bibla?
Tërmetet, zia e bukës dhe sëmundjet janë forca të verbra që shkaktojnë shkretim te miliona njerëz. Miliona të tjerë vuajnë nga vetë njerëzit—shumë bien viktima të atyre që në fakt duhej t’i mbronin. Vini re se çfarë do të ndodhte sipas profecisë biblike.
[Shënimi]
^ par. 3 Ethet hemorragjike të Marburgut shkaktohen nga një virus që lidhet me Ebolën.
[Diçitura në faqen 6]
«Është e tmerrshme të të vrasë një luan a diçka e tillë, por, po aq e tmerrshme është të të konsumojë nga brenda një sëmundje që të kall datën, teksa e ndien që të përshkon gjithë trupin.»—EPIDEMIOLOGU MAJKËLL OSTËRHOLMI.
[Burimi i figurës në faqen 6]
© William Daniels/Panos Pictures