3. Аарыг-аржык
3. Аарыг-аржык
«Аарыг-аржык... болгулаар» (ЛУКА 21:11).
● Хамааты дайын бооп турар бир африкан чуртта Бонзали деп эмчи марбург дээр вирустуг аарыгдан аарааш, өлүп турар шахтёрларны эмнээр дээш шыдаар-ла чүүлүн кылып турган *. Ол улуг хоорайларда даргалардан дуза дилээрге харыы келбээн. Дуза чүгле дөрт ай эрткенде келген, ынчалза-даа Бонзали ол халдавырлыг аарыгдан аарааш, чок апарган болган.
ФАКТЫЛАР ЧҮНҮ ЧУГААЛАП ТУРАР? Чүгле 2004 чылда тыныш-өкпе, ижин-шөйүндү, СПИД, малярия аарыындан 10,5 миллион кижи чок апарган. Өскээр чугаалаарга, 3 секунда санында-ла бир кижи чок апарып турган.
УДУР САНАЛ. Черниң чурттакчыларының саны көвүдеп турар. Ынчангаш аарып турар улустуң саны база көвүдеп турар.
ШЫНАП-ЛА ЫНДЫГ БЕ? Ийе, шынап-ла черниң чурттакчылары дыка көвүдээн. Ындыг-даа болза, кижилер аарыгны тодарадырып, кедеретпейн эмнээринге хамаарыштыр чедиишкиннерлиг бооп турар. Медицина талазы ол хире сайзырап турда, аарыгларның саны эвээжээр ужурлуг эвес бе? Ынчалза-даа байдал көңгүс өске бооп турар.
ЧҮҮ ДЕП БОДААР СИЛЕР? Аарыг-аржык болур деп өттүр билген медеглел күүсеттинип турар бе?
Чер шимчээшкиннери, аш-чут, аарыг-аржык миллион-миллион кижилерни амы-тынындан чарып турар дайзыннар-дыр. Ынчалза-даа дыка хөй улус оларны камгалаар ужурлуг чоок кижилеринден хилинчектенип чоруур. Библияда баш удур чугаалаан бир өттүр билген медеглелди көрээлиңер.
[Немелде тайылбыр]
^ 3 абз. Марбург дээр вирустуг аарыг Эбола деп аарыгга дөмей.
[Киирилде немелде]
«Арзылаң азы өске бир араатан аң сени чиптер болза коргунчуг. Ынчалза-даа халаптыг аарыг сени иштинден чип эгелээрге база сени долгандыр турар улустар-биле ындыг чүүл бооп турарын көөрү оон-даа коргунчуг» (МАЙКЛ ОСТЕРХОЛМ, ЭПИДЕМИОЛОГ).
[Чурукка хамаарышкан информация]
© William Daniels/Panos Pictures