3. Tulan chamel
3. Tulan chamel
«Tulan chamel ta bayuc» (LUCAS 21:11).
● Te Bonzali te jaʼ akʼbil yaʼtel ta yilel te ants winiketik ta África, te yak ta kʼaxel guerra ta yorail-abi, la spas te ban kʼalal juʼ yuʼun ta spoxtayel te mineroetik te ya xlajik ta virus yuʼun Marburg. * La yaltiklanbey bael te j-aʼtel patanetik te ay ta swenta yilel te machʼatik ayik ta chamel. Pero jalajik chaneb u ta yakʼbeyel sujtib, kʼalal kʼot te koltayele lajemix-a te Bonzali, jaʼ la yichʼbey schamel te mineroetik te machʼatik la skoltaylane.
TE BIN KʼOT TA PASEL. Te neumonía, te jachʼujt, te sida, te sak-oʼbal sok te paludismo jaʼ tulan chameletik te ya smil te ants winiketik. Te joʼchajp tulan chameletik ini, la slajin 11,000,000 ta tul ants winiketik ta 2004. Ayniwan 11,000,000 ta tul ants winiketik la slajin ta 2004, jich kʼoem te ay machʼa ya xlaj ta oxoxeb segundo.
TE BIN YA YALIK YUʼUN. Yak ta pʼolel te ants winiketik ta Balumilal, jaʼ yuʼun bayal machʼatik ya stsakotik ta chamel.
¿YUʼUN-NIXBAL JICH-A TE BIN YA YICHʼ ALELE? Manchukme pʼolemix te ants winiketik ta Balumilal. Jaʼnix jich pʼijubenix te ants winiketik ta slebeyel spoxil te chameletik, manchukme jich-abi maba lajem skʼoplal te chamele.
¿BIN YA AWAL TE JAʼATE? Jich bitʼil ya yal te Biblia, ¿yakalbal ta kʼaxel ta tulan chamel te ants winiketike?
Te tulan nijkel, te wiʼnal sok te tulan chameletik bayal millón ta tul ants winiketik ya xkʼax swokolik yuʼun. Bayalxan ants winiketik te ya xkʼax swokolik ta utsʼinel. Akʼa kiltik te bin ya yal te Biblia ta swenta-abi.
[Nota]
^ parr. 3 Te virus yuʼun te Marburg jaʼ pajal sok te ébola.
[Te bin ya yal]
«Ya xiwotik te kʼalal jkojt choj o yan chambalam ya stiʼat, pero jaʼ kʼaxtoxan ya yakʼ xiwel-a te ay bin yak ta sweʼbelat ta yutil abakʼetal sok te ya awil te kʼunkʼun yakat ta lajel baele» (MICHAEL OSTERHOLM EPIDEMIÓLOGO).
[Te machʼa yuʼun te foto]
© William Daniels/Panos Pictures