3-тӥ азьпалзэ ивортон. Висёнъёс

«Урод черъёс... луозы» (ЛУКА 21:11).

● Африкаысь одӥгаз шаерын, кудаз граждан ож мынэ вал, Бонзали нимо эмъясь кариз ваньзэ, мае быгатӥз, утён понна шахтёръёсты, кудъёсыз марбург-вирусной висёнлэсь * куло вал. Трос пол, юрттэт курыса, со вазиськиз мукет карысь кивалтӥсьёслы, но солэсь куронзэ ӧз быдэстэ. Юрттэт вуиз ньыль толэзь ортчыса гинэ, но со туж бер вал. Бонзалилы шахтёръёслэсь висён палаз но, со кулӥз.

МАР СЯРЫСЬ ВЕРАЛО ФАКТЪЁС? 2004-тӥ ар куспын гинэ, шокан органъёслэн висёнъёссы (кылсярысь, пневмония), кӧт висёнъёс, СПИД, туберкулёз но малярия, дас но ӝыны миллионлэсь тросгес адямиослэсь улонзэс нуиз. Мукет кылъёсын вераса, та висёнъёсын сэрен, котькуд куинь секунд куспын одӥг адями кулӥз.

ПУМИТ ВЕРАН. Музъем вылын адями тросгес но тросгес луэ, соин ик висисьёслэн но лыдӟы будэ.

ОЗЬЫ-А СО? Музъем вылын зэмзэ но адямиос тросгес луизы. Озьы ик адямиос тросгес висёнъёсты тодманы но соосты эмъяны дышетскизы. Соин ик возьманы кулэ, кадь, висёнъёс ӧжытгес луозы шуыса, но висёнъёслэн лыдзы тросгес но тросгес луэ.

КЫЗЬЫ ТӤ МАЛПАСЬКОДЫ? Быдэсме-а Библиысь азьпалзэ ивортон, адямиос кышкыт висёнъёслэсь курадӟозы шуыса?

Музъемзурканъёс, сютэм улон но висёнъёс трос миллион адямиослэсь улонзэс быдто. Но эшшо но тросгес адямиос курадӟо на асьсэлэн матысьёссылэсь — соослэсь, кинъёс соосты утьыны кулэ. Учке, мар азьло ик верамын вал Библиын.

[Сноска]

[Ватсан]

«Кышкыт, тонэ лев яке мукет сьӧсь пӧйшур сииз ке. Но эшшо но кышкытгес, куке тонэ пушкысеныд кышкыт висён сие но тон адӟиськод, котырысьтыд адямиосын но озьы ик луэ шуыса» (МАЙКЛ ОСТЕРХОЛМ, ЭПИДЕМИОЛОГ).

[Суред сярысь]

© William Daniels/Panos Pictures