3. Ọga
3. Ọga
“Ihwo cha . . . muọga rọ bẹn esivwon.”—LUK 21:11, Contemporary English Version.
● Bonzali rọ dia idọktọ vwẹ ẹkuotọ rẹ African re de phi ofovwin mamọ, davwẹngba vwo sivwin ihwo evo re tọn otọ guọnọ erọnvwọn vwẹ orere rọyen re muọga re se Marburg. * Ihwo ri suẹn rehẹ irere ride rhọnvwe kpahenphiyọ oyare rọyen vwọ kẹ ukẹcha re vwo sivwin ihwo re muọga na-a. Emeranvwe ẹne vwọ wan nu, ihwo re cha vwẹ ukẹcha phia da rhe, ẹkẹvuọvo Bonzali ghwure. Ọga ro mu ihwo re tọn otọ guọnọ erọnvwọn rọ guọnọ sivwẹn na kọyen rhoma hwe.
DIE YEN IYẸNRẸN NA DJEPHIA? Ọga rẹ irhue (kerẹ pneumonia), diarrhea, HIV/AIDS, owọnrhe ofe kugbe odo, enana ghwa usun rẹ ega ri muoshọ ri muẹ ihworakpọ. Vwẹ ukpe rẹ 2004 ọvo, ega nana re djunute na hwe ihwo ri te omarẹ oduduru 10.7. Vwẹ idjerhe ọfa, a da gharọ, ega nana hwe ohwo ọvo vwẹ aroẹbrẹ erha vwẹ ukpe 2004.
DIE YEN IHWO TA? Ihwo vwọ rhoma buẹnphiyọ vwẹ akpọ na, o muẹro nẹ ega ji che rhe buẹnphiyọ. Ọtiọyena ihwo re muọga ki ji buẹnphiyọ.
OBO RẸ AYEN TA NA UYOTA? Uyota nẹ ihworakpọ ghini buẹnphiyọ kẹdẹ kẹdẹ, ọtiọyen ji te ona rẹ ihworakpọ vwo vughe, suẹn ji sivwin ega. Ọtiọyena, o rhe fo nẹ ega ri kpokpo ihwo nonẹna ji shekpotọ-ọ? Ukperẹ ọtiọyen, ega rhoma buẹnphiyọ.
DIE WO RORORI? Ihwo ghene mu okpọga nonẹna kerẹ oborẹ Baibol na tare?
Etọ re bẹrẹ, owẹnvwe kugbe ọga hwe oduduru rẹ ihwo nonẹna. Oduduru rẹ ihwo je rioja vwẹ obo rẹ ihwo ri fori nẹ e chochọn rayen. Jokaphiyọ oborẹ Baibol na tare nẹ ọ cha phia.
[Eta rehẹ obotọ na]
^ ẹko. 3 Ivairọsi rọ sua ọga re se Marburg Hemorrhagic Fever vẹ ọ rọ sua Ebola họhọ ohwohwo.
[Ẹkpo rọ teyenphia vwẹ aruọbe 6]
“Ọ brare mamọ siẹrẹ okpohrokpo yẹrẹ eranvwe ọfa tiọyen da re ohwo, jẹ ọ rọ ma bra kparobọ kẹ ọ rẹ omorọnvwọn tutuno vwọ re ohwo nẹ obevun rhe, ememerha na, ọ me re oma na ejobi.”—MICHAEL OSTERHOLM RO DIA IDỌKTỌ RO YONO KPAHEN OBO RE VWO SUẸN ỌGA.
[Asan rẹ Ifoto Nurhe rọhẹ aruọbe 6]
© William Daniels/Panos Pictures