Profecía 3. Galguitz

«Galguitz ni ragaity xidalguixo buñ» (LUCAS 21:​11).

● Bonzali, funcionario de sanidad de toib gudx África ro racgoluʼ guerr, bunybu rutigoygaʼlni láabu par nasialbu mineros ni cayaity xtol toib virus ni radzak né ébola. Gochbu guirá buñchiin par ñacné láabu, per layibu goclayibu más de tap beʼo. Órni bidxin galrracnécu, Bonzali ma goity. Virus ni gop guirá mineros ni goniiny nalaabu cuáni láabu.

¿XÍ RADUDY DIITZ DATOS REʼ? Neumonía, galrradudy, sida, roo, xilanal, nacni galguitz ni más ragaity buñ. Gáay galguitz reʼ bigaityni casi once millón de buñ íz 2004, labúu guinino láani scareʼ, cada tzón segundos raity toib buñ.

BUÑ DITI RONY CRER. Nigolú cadal buñ ló Gudxlio reʼ; por ngú raxoʼ más buñ.

¿LABÚU GUININO QUE SCÚ NACNI LA? Ná cadal buñ ló Gudxlio, láaca ma nogoluʼ buñnan ni nan rachoc xfuers galguitz né rayopy mod guisial láani. Per ¿xí diti non ñetj loni la? Xalagary ngú cayacxiroʼni.

¿XÍ RONYLO PENSARY? ¿Nogoluʼ galguitz mal ló Gudxlio mod goniʼ la Biblia la?

Xo rodann, galrralán né galguitz, ronyni mal xidalguixo buñ. Xidalguixo buñ radudy ló galrrioʼob xtol xfamil né xidalyibu racalóyibu galnagan xtol buñ ni non gap layibu. Bibiʼ ximod rasetlaa la Biblia láani.

[Comentario]

«Radzuibyno guá betz o stipnés nimal lóono, né scúca radzuibyno tzoʼ ni guá lóono nislainyno né guidudyno cuent xi casaclono» (MICHAEL OSTERHOLM, EPIDEMIÓLOGO).

[Reconocimiento]

© William Daniels/Panos Pictures