Panjahaion 5. Tanoh On Iparseda

“[Naibata laho] manripaskon halak na mansedahon tanoh on.”​—PANGUNGKABON 11:18, NW.

● Maragat do horja ni si Pirri i Kpor, Nigeria. Tapi gabe seda ma usahani ai halani bahat tumang mambur minak i Delta Niger. Nini ma, “Marmatean do ganup dengke, maseda do kulitnami, janah marbutak do sungai-sungai i hutanami. Gabe lang adong be passarianku.”

AHA NA MASA? Piga-piga ilmuwan mangkatahon gabe marbutak do laut ibahen 6,5 juta ton sampah tiap tahun. Hira-hira satongah humbani sampah ai palastik do. Gabe mumbang-umbang ma palastik ai sadokah marratus tahun paima hancur. Leganni ai, marlomba do jolma laho mambuat sumber daya alam janah lang ipingkiri akibatni. Hape peneliti mangkatahon porlu do hira-hira sada satongah tahun laho paulakkon aha na domma ibuat jolma sadokah satahun. Koran Australia Sydney Morning Herald patugahkon, “Anggo sonai do lalab pambahenan ni jolma, tahun 2035 maningon adong ma sada nari tambah planet songon tanoh on bahen iananta.”

AHA NA IHATAHON BUEI HALAK? Pandei do jolma, boi do isaloseihon parsoalan ai janah ipadear use tanoh on.

TONGON DO NA IHATAHON SIDEA AI? Memang bahat do sonari on jolma atap kalompok na marusaha pasingatkon halak ase manjaga lingkungan. Tapi tong do bahat jolma na pasedahon tanoh on.

SONAHA PANDAPOTMU? Ai porlu do iurupi Naibata hita laho padearhon tanoh on domu bani janji-Ni?

Sobali lima panjahaion na dob iulas hita, dong ope sada nari panjahaion na gabe tanda panorang parpudi. Pardiateihon hita ma panjahaion na paonomkon.

[Kutipan]

“Iananku tading na songon Paradeiso hinan, sonari domma gabe songon tempat sampah.”​—SI ERIN TAMBER, WARGA GULF COAST, AMERIKA SERIKAT, MENGENAI DAMPAK TUMPAHAN MINYAK, 2010, DI TELUK MEKSIKO.

[Picture Credit Line]

U.S. Coast Guard photo