Profecía 5. Kä tibien juanta ngwarbe

“Nire nire käta kä temen ne juen ngwarbe” ye Ngöbökwe juandi ngwarbe (APOCALIPSIS 11:18).

● Pirri tä vino palmakwe rürübäine juta Kpor (Nigeria) yete, akwa niara ñaka niena sribi ye nuainne ñobätä ñan aune petróleo nikani ñö Niger yete käkwe palmera juani ngwarbe kän. Niara tä niere: “Ye tä gwa kämike, tä ni kwata mike bren aune ñö mike käme. Drebiti tikwe nünandi ñaka gare tie”.

¿KUKWE NAKÄNINANKA TÄ DRE MIKE GARE? Kä kwatire kwatire te basura kitata tonelada 6,5 millón mrente aune basura ye 50% plasticore, abokän kä rikadre kwati krubäte ta angwane batibe jatadre ngütiete. Ne madakäre, jondron tärä kä tibienbätä nünankäre nie ye nitre tä gainte jötrö ngwarbe. Nitre ja tötikaka kukwe nebätä tä niere, nitre tä jondron kä tibienbätä gainte kä kwati te ye rabadreta kwin yekäre, kä rikadre kwati biti sö krärike ta. Periódico australiano (Sydney Morning Herald) käkwe niebare: “Nitre jatadre nirien bäri kwati aune jondron gate rabadre bäri ngwane, kä 2035 ye ngwane, kä tibien ribe rabai ketebu”.

KUKWE NIETA BIBLIA RÜERE. Nitre kä tibienbätä ye töbätä aune die tärä kä tibien ükatekäre.

¿KUKWE NIETA YE METRE? Nitre ecologista aune nitre mada tä sribire krubäte kä tibien kriemikakäre, akwa yebiti ta kä tibien juan täbe ngwarbe.

¿KUKWE NE TUIN ÑO MÄI? Ngöbökwe kä tibien ükadrete käbämikani kwe, ¿ye erere nuaindre kwe ruin mäi?

Profecía ketarikekäre Bibliabätä nikwe mirira gare jai, akwa kä krüte näire kukwe kwin rabai arato käbämikani Ngöbökwe. Ani keteiti mrä mike gare jai.

[Kukwe mikata gare braibe]

“Kä kwin aune bä nuäre nämä tikwe, ye täte basurero käme kwrere tä tikwe”. (ERIN TAMBER, NÜNANKA COSTA SUR ESTADOS UNIDOS YETE KÄKWE KUKWE YE NIEBARE PETRÓLEO NIKANI ÑÖTE KÄ 2010 GOLFO DE MÉXICO YETE YEBÄTÄ)

[Recuadro]

¿Ngöbö köböite nita ja tare nike?

Kukwe taretare tä nakainkä nengwane ye rabai bare Bibliakwe mikani gare mekerabe. ¿Akräke Ngöbö ngite? ¿Niara köböite nita ja tare nike? Kukwe ye rabai gare kwin mäi tärä ¿Dre drieta nie Bibliabätä? kapitulo 11 yebätä, nitre testiko Jehovakwe sribebare.

[Üai kite nirekri]

U.S. Coast Guard photo