5. Чирні кірлеені

«Чирні чох итчеткен кізілерні чох идер тузың читті» (АЗЫХ ЧООХ 11:18).

● Нигериядағы Кпор аалда чуртапчатхан Пирри пальманаң араға итчең полған. Че Нигер суғның дельтазынзар кӧп нефть тӧгіл парған ӱчӱн ағаа тоғызын тохтадыбызарға киліскен. «Нефть кізі теерізін, суғларны ардатча паза палыхтарны хырча. Чуртаҷаң ахча саңай чох пол парды», — тіпче ол.

ФАКТТАР НИМЕ КӦЗІТЧЕЛЕР? Кӧп эксперттер океанзар 6,5 миллион тонн похсах тасталча тіп санапчалар. Ол похсахтың чарымы — чӱзер чыллар чызыбинчатхан пластик. Кізілер чирні кірлепчелер, ағаа хоза, природнай ресурстарны уғаа тың ӱретчелер. Істезіглер кӧзітчелер: пір чылға хоратхан ресурстарны хатап толдырып алар ӱчӱн, чирге пір чыл пис ай киректелче. «Чонның саны паза ресурстарны хоратханы підиӧк ӧссе, 2035 чылға піске ікі Чир кирек полар», — тіп Австралияда сыхчатхан «Сидней морнинг геральд» газетада пазылча.

ТОҒЫР ЧООХ. Кізілер хыйғалар. Пу сидіктерні пӧгер оңдай таап алып, планетаны арачылап аларбыс.

АНЗЫ АНДАҒ БА? Кӧп кізілер паза организациялар чирні кірлепчеткеніне чонның хайиин тартарға кӱстенчелер. Че чирні хайди тың ӱреткеннер, ідӧк ле ӱретчелер.

ХАЙДИ САҒЫНЧАЗАР? Худайға, позының молҷаан толдырып, чирні саңай ӱрет салбазыннар тіп, ара кірерге кирек пе?

Піс ӱзӱрібіскен пис ухаанҷыластаң пасха, Библияда тӱгенҷі кӱннерде хайдағ-да чахсы киректер полар тіп пазылча. Нимедеңер чоох парчатханын піліп алаалар.

[Вставка]

«Мин чуртаан райға тӧӧй чир токсичнай отходтарның свалказы пол парған тіп пілдірче» (США-ДА МЕКСИКАНСКАЙ ЗАЛИВТІҢ ХАЗЫНДА ЧУРТАПЧАТХАН ЭРИН ТАМБЕР 2010 ЧЫЛДА НЕФТЬ ЧАЙЫЛҒАННАҢАР).

[Рамка]

Худай пыролығ ба?

Піс уғаа хомай, хорғыстығ чир-чалбахта чуртапчабыс. Библияда аннаңар ухаанҷылалған ӱчӱн Худайны пыролирға чарир ба? Пістің иреелерібісте ол пыролығ ба? Пу паза пасха даа сурығларға нандырығларны Иегованың киречілері сығарған «Библия пісті нимее ӱгретче?» тіп кинденің 11-ҷі пастаанаң піліп аларға чарир.

[Хоостаңар искіріглер]

U.S. Coast Guard photo